Análise do grupo municipal socialista focense do pleno do xoves 28 de xaneiro

Foz, 1 de xaneiro de 2016.- O grupo municipal socialista quere facer unha análise dalgún dos puntos da orde do día:

No punto de rogos e preguntas o PSOE fai unha pregunta ó Sr. Alcalde sobre “a nova gasolineira” . Visto o informe da Xefatura Territorial da Concellería de Medio Ambiente, onde se consulta ás administracións públicas afectadas, outorgándoselles un prazo de quince días para remitir observacións e alegacións, que de non recibirse en prazo os informes entenderanse favorables. Visto que dos oito organismos consultados so Patrimonio responde, nin Industria, nin Riscos Ambientais….Visto que o Concello de Foz tampouco fixo ningunha observación e/ou alegación, a pregunta era fácil: ¿Por qué?. Non estamos a falar de informes técnicos senón de observacións e alegacións, e ó PSOE de Foz se nos ocurren moitas: estar ó lado dunha gardería, enfronte dun asilo de anciáns, zona de transito de peóns onde agora non haberá acera e terán que pasar por diante dunha zoa de paso de coches (se podería haber pedido un informe de seguridade vial) , en pleno proceso de humanizar e semipeatonalizar o centro de Foz se xerará un transito continuo de vehículos e camións de repostaxe ….A contestación do Sr. Alcalde non é tal, pois so responde que é legal e fala de informes técnicos, cando claramente como organismo afectado podería haber feito alegacións. Dende o grupo municipal socialista debemos dicir que para nada se contesta a nosa pregunta, que pensamos que desde o Concello se tiña que haber emitido ese informe e que consideramos que o “oscurantismo” e a falta de lealdade por parte do Sr. Alcalde e o seu equipo de goberno foi manifesta, non so cos Concelleiros senón con todo o pobo de Foz.

Por outro lado non podemos obviar a actitude da portavoz do BNG, protestando por que o PSOE pregunte por un tema importante para todos os veciños de Foz, non encontramos suficientes adxetivos para calificala: Sras concelleiras do BNG os “berrinches” son propios dunha gardería non dun Pleno. O PSOE, despois de consultar os expedientes, de reunirse cos veciños que están recollendo firmas de cara a manifestar a súa oposición a este proxecto e de traballar sobre un tema importante para Foz, fixo unha pregunta ó Sr. Alcalde e vostedes deberían haber usado o seu turno para facer a súa e non comportarse como pícaras de colexio.

Punto 13 da orde do día: PROPOSTA DO GRUPO MUNICIPAL DO BNG POLA QUE SE SOLICITA UNHA NOVA EXPOSICIÓN PÚBLICA PREVIA Á APROBACIÓN PROVISIONAL DO PXOM. Na Comisión informativa de Pleno o PSOE se abstivo neste tema, pero mantendo que, aínda pensando que non era necesario, non votaríamos en contra dunha nova exposición pública . E posto que o PP votou en contra o PSOE debe votar a favor porque neste caso a abstención sería un NO a esa exposición.

O grupo municipal socialista de Foz, votou a favor á proposta do Sr. Alcalde de que quedase enriba da mesa despois dunha reunión de portavoces á espera dos informes pertinentes que corroboren que non é posible esa nova exposición pública.

Punto 5 da orde do día: DOTACIÓN DE GASTO DE PERSONAL PARA INCREMENTO RPT, proposta da Alcaldía, a que o PSOE vota a favor aínda que fai saber que supón levantar un reparo de intervención en canto a Estabilidade Orzamentaria, argumento que usou o grupo municipal do PP para presentar alegación á moción do PSOE sobre a rebaixa do “catastro” do 0,6% ó 0,4% e que fixo que non entrase en vigor a nova ordenanza no 2016, co claro perxuizo para todos os veciños do noso concello. Para o PP e o Sr. Alcalde levantar ese reparo ,neste caso, non supuxo ningún esforzo.

Fdo: Grupo Municipal do PSdeG-PSOE de FOZ