Os segundos da táboa achéganse aos primeiros a falta de 4 tiradas para o remate da Liga de Bolos de Xove

O gañador da tirada do Cruceiro, Sócrates Campo, foi o principal beneficiado da XXVII TIRADA DE BOLOS – XVI SUB 16 – VII LIGA FEMININA de Xove. A vitoria permítelle reducir distancia co líder situándose a 16 puntos da cabeza a falla de 4 tiradas para rematar.

Rafa deberá estar atento se non quere pasar dificultadas ao final. Sócrates tamén consigue pór terra de por medio cos seus perseguidores, alonxando a Francisco Pérez e Arturo Vigo a 18 e 19 puntos, respectivamente.

Pero, aínda queda Liga, e pode haber importantes sorpresas nas últimas tiradas.

Liga Sénior Feminina
Continúa o toma e daca entre Salomé Cardoso e a actual campioa Belén Meitín. Despois de recortar distancias con Salomé, Belén ve como Salomé se alonxa novamente e, con 7 puntos de ventaxa, adquire un excelente colchón para afrontar as últimas tiradas. Con todo, a ventaxa aínda é moi curta para que Salomé cante vitoria. Por detrás, Salomé Bermúdez e Carmen Roca seguen a súa pugna particular pola terceira posición. Neste caso con ventaxa para Carmen que consigue recortarlle en 4 puntos. Emocionante final se espera nesta categoría a falla das citadas 4 tiradas.

Liga Sub 16
Quinta vitoria de Miguel López, que nesta segunda volta do campionato está impoñéndose claramente ao seu principal rival, Daniel Alonso. Daniel, grazas á súa primeira volta, con vitorias nas 7 primeiras tiradas, mantén aínda agora unha importante ventaxa que se veu moi mermada grazas ás excelentes actuacións que Miguel López está realizando nesta parte do campionato.

Pola parte de abaixo, Julia, Javier e Juan Manuel vanse xogar tamén un sitio no podio, con ventaxa, polo momento, para Julia, que lle saca 2 e 7 puntos respectivamente aos seu rivais.

A vindeira tirada vai ter lugar no CENTRO SOCIAL DE A VARA, O 13 DE FEBREIRO, DE 2016. O vindeiro sábado non hai tirada debido á celebración do Entroido.