A Mariña, 14 de marzo 2016.- O presidente da Mancomunidade de Municipios da Mariña, Alfredo Llano, pedirá a Fomento que se incrementen as medidas de seguridade na A-8 para evitar a presenza de animais salvaxes na vía. O pasado sábado rexistrábase un grave accidente no que perdía a vida un rapaz de Burela e no que resultaban feridas varias persoas tras a invasión da calzada por un xabaril.
Llano manifestou que “nos preocupa a seguridade nas infraestruturas que temos que empregar na zona e queremos que sexan as máis seguras e as mellor preparadas. Loxicamente despois do acontecido esta fin de semana evidentemente temos que reclamar que se fagan as revisións e que se preste a atención suficiente e necesaria para evitar a entrada de animais salvaxes á autovía”.
O presidente da Mancomunidade dixo que “isto que ocorreu esta fin de semana por desgraza puido ter acontecido outras veces porque falei con xente que está enterada por diversas razóns, sexan de Protección Civil ou cazadores, e hai unha zona na A-8 onde foi o accidente pola que pasan con certa frecuencia xabarís ou corzos porque hai un paso natural, que son cinco ou seis puntos en concreto, aos que tenden a acudir este tipo de animais, evidentemente o que é a protección da autovía non é suficiente para estes animais porque o xabaril pasa perfectamente por debaixo do valado e chega á autovía con relativa facilidade”.
Alfredo Llano anunciou que “o que lle imos solicitar a Fomento é que se controle e se vixíe para reforzar os valados onde interesa reforzalos e desviar aos animais salvaxes aos pasos naturais, que deberán ter unha determinada claridade, para que estes animais non teñan dúbidas e poidan pasar por eles sen forzar o seu paso á autovía”.
Llano engadiu: “evidentemente hai que dicir que as autovías, as autopistas e as vías de alta capacidade son seguras, pero cando se pasa por elas hai que notar e ter esa seguridade. Hai que procurar que estas cousas non ocorran dado que crean unha intranquilidade e inseguridade impresionante ademais cun resultado tremendamente negativo, coma o acontecido esta pasada fin de semana”.
Cursos para socorristas
Por outra banda o presidente da Mancomunidade de Municipios da Mariña sinalou que “é unha preocupación na Mancomunidade contar con profesionais no verán para facerse cargo do auxilio e da vixilancia das praias. Evidentemente dado que desde Ribadeo ata O Vicedo hai moitas praias e moi boas e todas elas gozan de boa categoría, contamos con moitas bandeiras azuis, iso hai que reforzalo con vixilancia e con socorristas que todos os anos estamos a contratar”.
Alfredo Llano asegurou que “desde hai seis anos non houbo un solo curso para homologar á xente que queira ser socorrista. Evidentemente o ano pasado xa houbo unha clara falta de socorristas nalgún concello porque non é fácil agora facerse con eles, dado que hai moi poucos cursos, hai moi pouca homologación. Imos solicitalo á Federación Galega de Socorrismo ou a través da Cruz Vermella para que se fagan cursos e sexan homologados, e poidan darlle unha oportunidade a aqueles rapaces que queiran ser socorristas ademais de facilitar a contratación aos concellos de socorristas para o verán”. O que propón a Mancomunidade de Municipios da Mariña é a organización de cursos para a obtención dos correspondentes certificados de profesionalidade, que sexan totalmente gratuítos para os participantes.
LLano engadiu que “son cursos que non son curtos, son case catrocentas horas por tanto fan falta case catro meses para facer un curso destes, evidentemente despois de seis anos a demanda ten que ser grande e ao mesmo tempo algunha persoa que non renovou a homologación e ten que facelo tamén, porque as homologacións caducan aos cinco anos”. Nós queremos facilitar que existan profesionais e mover a ilusión dos rapaces para que poidan ser socorristas e facilitarlles aos concellos que poidan ter acceso á contratación de socorristas e non andar buscando noutras comunidades ou que quedemos con menos dos que realmente necesitamos para poder garantir a seguridade e a homologación das bandeiras azuis”.
Finalmente Llano declarou que “voume poñer de acordo e un pouco representar a todos os municipios para solicitar estes cursos porque penso que son moi necesarios. Imos facelo inmediatamente, aínda que este ano vai ser difícil loxicamente facer un curso para sacar socorristas para este próximo verán.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
