Ribadeo, 19 de marzo de 2016.- Este sábado coñecéronse os nomes dos gañadores do VI Concurso Fotográfico do Día do Pai, que convocou Acisa. O xurado decidiu que a foto La princesa quiere llevar botas como papá, de Cristina Losas sexa a que leve o primeiro dotado con 200 euros en vales de compra. O segundo premio foi para Xunto a ti, de Almudena de la Osa, que recibirá 150 euros en vales de compra. E o terceiro premio levouno a foto Preparado?, de Mª del Carmen Fernández López, que obtén 100 en vales de compra para gastar nos locais asociados a Acisa Ribadeo.
O xurado reuniuse na mañá deste sábado nas instalacións de Acisa para emitir a súa valoración, tras analizar e valorar todas as fotografías que se presentaron ao concurso, e que foron más de 20. Estivo formado por dous representantes de Acisa, o presidente David Martínez, e o vicepresidente, Juan Antonio Fernández Andina, e tres fotógrafos profesionais: Foto Miguel, Servicios Audiovisuales El Farero e Makfoto.
O premio do público, dotado con 100 euros en vales de compra foi para a foto Ayudando a papá, labores de hombrecillos, de Al-Paco Herrero (Alberto). Esta imaxe foi a que reuniu máis gústames a través do facebook de Acisa.
A directiva da Asociación de Comerciantes, Industriais, Servizos e Autónomos de Ribadeo agradece “al jurado profesional su colaboración y también las participación de todas las personas que presentaron sus fotos a la sexta edición de este tradicional concurso de Acisa”. As fotos gañadoras exporanse no escaparate de Foto Miguel.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
