Ribadeo, 9 de marzo de 2016.- Ata o 16 de marzo está aberto o prazo de inscrición no taller de técnicas de relaxación que organizan o Centro de Información ás Mulleres e a Concellaría de Igualdade. Haberá dous grupos, un pola mañá e outro pola tarde, e as prazas limítanse a 12 persoas en cada quenda. O obradoiro, que será todos os venres, dará comezo o 18 de marzo.
Desde o CIM apuntan que “a saúde para as mulleres é unha especie de resultante de factores persoais, sociais e familiares. É un concepto integral, engloba o relacional, a saúde familiar, o vincular, incorpora o psíquico e o social. É máis habitual polo ritmo de vida e as xornadas laborais que desempeñan as mulleres que podan sufrir estrés ao longo da súa vida. O estrés pode xerarse por múltiples factores, algún tipo de enfermidade (cancro, fibromialxia…), pola situación familiar (coidados a maiores dependentes ou as crianzas, situación de desemprego…)”.
Explican tamén desde o CIM que “o estrés é a resposta de todo o noso organismo ante calquera cambio externo e interno. Ese proceso de adaptación á nova situación é o que chamamos estrés. Vivimos nunha época en que todo cambia con enorme celeridade. É necesaria unha capacidade de adaptación superior á de outros tempos”.
Luisa Couceiro, a directora do Centro de Información ás Mulleres, indica que “en maior ou menor medida todas as persoas sofren os síntomas do estrés nalgún momento da súa vida, ou incluso, ao longo de gran parte dela. O estrés é un poderoso catalizador de todas as enfermidades. É posible previlo e erradicalo por medio de métodos sinxelos, naturais e eficaces, fáciles de comprender e de levar á práctica de forma autónoma, ocupándose un de si mesmo. As técnicas de relaxación permiten reducir a tensión muscular directamente diminuíndo así a resonancia corporal das emocións. A finalidade deste taller é aprender a relaxarse conscientemente algúns minutos cada día para poder permanecer relaxadas en calquera circunstancia”.
Os obxectivos do taller pasan por comprender os mecanismos fisiolóxicos do estrés; coñecer e practicar as técnicas antiestrés para harmonizar a personalidade nos seus tres aspectos: físico, emocional e mental; identificar a propia resposta aos procedementos antiestrés; e recoñecer os beneficios, e a necesidade da práctica cotiá de ditos procedementos”.
O taller consta dun total de 12 horas, repartido en quendas de 1 hora cada un, un día a semana. Levárase a cabo na Casa da Xuventude, na Sala Sonda Norte. Está dirixido a mulleres adultas, maiores de 18 anos. O número máximo de persoas que poderán participar en cada quenda será de 12. Esixirase un mínimo de 10 persoas anotadas no curso para poder facelo. Hai prazas limitadas polo que será preciso anotarse chamando ao Centro de Información ás Mulleres ao 982 120 739 ou ben escribindo un mail a cim@ribadeo.org ata o mércores 16 de marzo.
Ofertaranse dous talleres un en horario de mañá e outro en horario de tarde todos os venres desde o 18 de marzo. A quenda de mañá será en horario de 11.00 a 12.00 horas e a quenda de tarde desde as 18.00 ata as 19.00 horas.
O curso será impartido por Mª Jesús Garcillán Maroto, profesora de yoga, educadora de cura ayurdévica e técnica en prevención de estrés.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
