O PP de Viveiro insta á alcaldesa a reconsiderar a posibilidade de que se leve a cabo a cesión do edificio da Fundación Comarcal ao Concello o vindeiro luns 28

O Partido Popular de Viveiro lamenta profundamente o desplante da Alcaldesa ao Vicepresidente da Xunta de Galicia, que este martes ofrecía á Sra. Loureiro a posibilidade de realizar o acto de cesión ao Concello do antigo edificio da fundación comarcal da Mariña Occidental, o vindeiro luns 28 de marzo. A

nte esta proposta do Sr. Rueda a Alcaldesa argumentaba que xa tiña unha reunión fixada para ese mesmo día con Portos de Galicia en Santiago. O vicepresidente ofreceuse a mediar con Portos para que lle desen cita outro día, de feito chamou a este organismo quen lle dixo que non había ningún problema en cambiala, e aínda así, a Sra. Loureiro declinou a proposta do Vicepresidente da Xunta.

Ao Partido Popular resúltalle incrible e inaceptable tal actitude, máxime cando a Alcaldesa cansouse de criticar á Xunta de Galicia pola súa tardanza nesta cesión, sen ir máis lonxe no último pleno celebrado neste mes de marzo, onde unha vez máis lle volveu a botar a culpa de devandito atraso. Como se pode observar estas son as présas que ten a Sra. Loureiro por solucionar os asuntos dos veciños de Viveiro.

Desde que en decembro do 2014, este portavoz se entrevistara en Santiago co Vicesecretario Xeral da Consellería de Medio Rural e do Mar, onde se nos deixou moi clara a vontade da Xunta para ceder devandito edificio ao Concello de Viveiro pasaron 15 meses, debido en gran parte a que houbo que realizar distintos trámites administrativos, así coma realoxar á oficina agraria e ao distrito forestal na Delegación de Pesca de Celeiro ao obxecto de que o mencionado edificio quedase totalmente libre.

“Logo de todo o exposto e agora que o acordo, que foi aprobado por unanimidade polo Pleno da Corporación, podía materializarse, a Sra. Alcaldesa, facendo gala da súa deixadez, desidia e inacción desmárcase e non só lle fai un desplante ao Vicepresidente da Xunta, si non a todos os veciños de Viveiro que teñen depositadas a súa expectativas para levar adiante os seus proxectos no marco deste singular edificio”, apunta Antonio J. Bouza Rodil, presidente e portavoz PP de Viveiro.

Ao Partido Popular de Viveiro resúltalle “inaudita” esta forma de proceder por parte da Sra. Alcaldesa, quen “sempre fai gala dun victimismo insoportable botando a culpa da súa incapacidade á Xunta de Galicia”.

O Partido Popular insta á Sra. Alcaldesa a que “reconsidere a súa postura e acceda a que o vindeiro luns 28 de marzo se leve a cabo o acto no que a Xunta de Galicia ceda o edificio da antiga fundación comarcal ao Concello de Viveiro, e así deste xeito poder contribuír a dar forma ás numerosas iniciativas suscitadas para levar a cabo nesta instalación”.