Lugo, 20 de marzo de 2016.- O conselleiro de Política Social, José Manuel Rey Varela, acompañado pola secretaria xeral de Igualdade, Susana López Abella e da directora xeral de Maiores e Persoas con Discapacidade, Coro Piñeiro, celebrou este domingo a conmemoración do Día Mundial da Síndrome de Down. O responsable da área social asegurou que detrás dos casos de discapacidade intelectual e de síndrome de Down “hai persoas das que os galegos e as galegas nos sentimos tremendamente orgullosos”.
Na súa intervención, o conselleiro destacou a importancia que ten para as persoas con síndrome de Down “a súa autonomía e independencia individual, en particular da liberdade de tomar as súas propias decisións”. Nesta liña apuntou que desde o Goberno autonómico “queremos loitar pola súa integración plena, pola súa singularidade dentro da diversidade”.
Para acadar este obxectivo o titular de Política Social informou que desde o ano 2009 ata o actual 2016, a Xunta de Galicia “ten aumentado nun 78% o importe do convenio que asina anualmente coa entidade que agrupa as Asociacións específicas para a Síndrome de Down da Comunidade Autónoma de Galicia”. “Grazas este apoio chegamos ata os 446.838 euros”, engadiu. O conselleiro sinalou que o apoio prestado a estas entidades favorece “a integración e a igualdade das persoas con síndrome de Down logrando así que tanto eles como as súas familias consigan mellorar a súa calidade de vida”.
Carteira de servizos
Así mesmo, a Consellería de Política Social vén de asinar varios contratos de xestión, en réxime de concerto, con entidades de apoio a persoas con síndrome de Down para a prestación de servizos de promoción da autonomía persoal e atención destinados a persoas con discapacidade intelectual nos concellos de A Coruña, Santiago, Lugo, Ourense e Vigo. Ao respecto, Rey Varela explicou que se trata da primeira licitación de servizos desta natureza que se pon en marcha na Comunidade Autónoma, dentro da nova carteira de servizos sociais para a promoción da autonomía persoal e a atención ás persoas con dependencia.
Deste xeito, os servizos que se prestarán ao abeiro destes novos concertos coas entidades de Down son: formación prelaboral, adestramento de habilidades persoais e sociais e logopedia.
Valiosas contribucións
José Manuel Rey Varela valeuse das verbas da ONU neste Día Mundial para transmitir a importancia de “aumentar a conciencia pública sobre a cuestión e recordar a dignidade inherente, a valía e as valiosas contribucións das persoas con discapacidade intelectual como promotores do benestar e da diversidade das súas comunidades”.
Neste eido, o conselleiro lembrou que ao abeiro do convenio asinado coa Fundación Down Compostela, tres persoas con discapacidade intelectual están traballando en servizos dos departamentos de Presidencia, Vicepresidencia e Política Social. Rey Varela subliñou “o compromiso e o coidado” co que estas persoas desempeñan as súas funcións e que “deben ser exemplo para a nosa vida laboral e impulso para continuar loitando pola súa plena integración na sociedade”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
