Burela, 28 de abril de 2016.- O CD Burela FS Pescados Rubén despedirá a súa mellor tempada da historia este venres en Vista Alegre ante a Marea Laranxa pelexando por un novo soño, a clasificación para play off. Medirase ao UMA Antequera (21.00 h., horario unificado), que chega á Mariña no fondo da táboa, buscando tres puntos que lle poidan dar a salvación.
O destino, moitas veces caprichoso, volve poñer os de Daniel Ibañes fronte a unha proeza, como xa ocorreu co billete da Copa de España Guadalajara 2016 no último suspiro; os laranxas (37 puntos) deberán vencer e esperar que o seu rival directo na pugna pola oitava praza, Peñíscola (40 puntos), sucumba na casa do Magna Gurpea, sexto.
“Temos moitas ganas de que chegue o partido de mañá, faremos todo o necesario para cumprir co que está na nosa man e despois tocaranos esperar. O camiño a seguir é a imaxe que vimos de dar en Barcelona, competindo, correndo e metendo a perna. Pelexaremos por todo e se se ten que rematar a liga queremos despedirnos o mellor posible da afección” reflectía así un dos pesos pesados do Pescados Rubén, Chano, a ilusión e motivación do equipo ante unha nova cita coa historia.
Segundo o 11 mariñán, a clave para levar o partido está na temperanza. “Debemos estar tranquilos, debemos fuxir de querer gañar o partido desde o primeiro minuto e tratar de que a ansiedade non se apropie de nós; o rival tamén se xoga moito. O equipo que mellor se conteña terá moito ganado” advertía Chano facendo o último chamamento da liga regular á bancada laranxa: “Mañá necesitamos a afección máis ca nunca; vai ser clave. Estámonos xogando o play off na casa e o rival débeo ter moi claro desde que salte á pista. Conseguilo sería moi bonito, sería un premio para a afección, para a vila e para todos nós” concluía o andaluz
Nas filas mariñás, volverán ser ausencia Matamoros, por lesión, e Hélder, que cumprirá o seu cuarto e último partido de sanción.
Convocatoria Burela FS Pescados Rubén: 1. Edu, 5. Iago Míguez, 7. Isi, 9. Iago Rodríguez, 11. Chano, 12. Bruno, 13. Álex, 17. Carlitos, 18. Jorge, 20. Chino, 23. Antoñito, 27. Renato
Duelo no cumio de Primeira RFEF
A Familia Laranxa completará un fin de semana de soño o sábado, co duelo no cumio de Primeira RFEF. Desde a segunda praza, as burelistas, con dous puntos de desvantaxe sobre o Atlético de Madrid Navalcarnero (70 puntos), visitará a pista do líder (La Estación, 17.30 horas).
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
