Lugo, 23 de abril de 2016.- O conselleiro de Política Social, José Manuel Rey Varela, participou este sábado na clausura do XXVIII Congreso Internacional da Sociedade Galega de Xerontoloxía e Xeriatría, celebrado esta fin de semana na Deputación Provincial de Lugo. No acto estivo acompañado pola directora xeral de Maiores e Persoas con Discapacidade, Coro Piñeiro.
Este encontro científico e profesional serviu para compartir coñecementos, explorar sinerxías con respecto ás melloras da calidade de vida das persoas maiores e para avanzar na posibilidade do establecemento dun marco de traballo máis coordinado e eficiente entre administracións públicas e institucións privadas.
O congreso contou coa participación de doutores, psicólogos, traballadores sociais e enfermeiros entre outras profesións que teñen un contacto directo coas persoas maiores. Estes profesionais, procedentes de diversos puntos de España, Portugal e Bélxica, ofreceron relatorios sobre “Xeriatría hospitalaria e atención primaria para o adulto maior”, “Modelos de atención integral en persoas maiores”, “Presente e futuro dos recursos sociais para a atención a maiores” ou “Psiquiatría, envellecemento e institucionalización: a integración a través da educación”, entre outras temáticas do eido.
José Manuel Rey Varela afirmou durante a clausura do congreso que “para a Xunta de Galicia a promoción dun envellecemento activo é fundamental. Galicia ten unha poboación envellecida polo que temos que erradicar a caída da natalidade e promocionar un envellecemento saudable, activo e reconfortante”. Por elo, a administración autonómica conta coa Estratexia Galega de Envellecemento Activo dende a Innovación 2016-2020 para evitar situacións de dependencia non desexadas a través da prevención.
Esta Estratexia xurde coa vontade de dar resposta ao incremento da esperanza de vida media na nosa Comunidade Autónoma, que é unha das máis elevadas de toda España situándose en 86 anos fronte a 82 da media nacional. Ademais, este marco de actuación reforza o compromiso co envellecemento activo e o benestar tanto dos maiores como das persoas con discapacidade, dous colectivos prioritarios para o Goberno galego. Neste sentido, os catro eixes en que se fundamenta a Estratexia son o emprego; a participación na sociedade; a vida independente, activa e segura; e a non discriminación e a igualdade de oportunidades.
En definitiva, “trátase de que Galicia se sitúe á cabeza das Comunidades en envellecemento activo e saudable”, asegurou Rey Varela; e para iso a Estratexia tamén fixa metas en terapia e formación. A Estratexia de Envellecemento Activo dende a Innovación 2016-2020 contou coa intervención das administracións públicas, universidade, tecido empresarial, colectivos profesionais, asociacións e cidadanía en xeral.
Así as cousas, Rey Varela manifestou que a atención ás persoas maiores é unha das prioridades para a Xunta de Galicia -un obxectivo compartido coa filosofía deste Congreso Internacional-, e que durante este ano 2016 a Consellería de Política Social seguirá a traballar na mellora da calidade de vida deste colectivo. “Continuaremos reforzando a aposta do Goberno galego polo benestar dos maiores e as súas familias, insistindo en cuestións como o fomento de hábitos de vida saudables, a prevención da dependencia e a promoción da autonomía persoal, ademais por suposto, do envellecemento activo”, apuntou o conselleiro.
O titular da carteira autonómica agradeceu á Sociedade Galega de Xeriatría e Xerontoloxía a celebración deste congreso “porque permite xuntar forzas entres a administración e os profesionais do campo; e debater e compartir coñecementos sobre o benestar dos nosos maiores”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
