Celestino García Paz, en representación do Grupo Municipal Popular de Viveiro, realiza á Alcaldesa da Corporación os seguintes ROGOS para o próximo Pleno, ó obxecto de que se subsanen as deficiencias sinaladas coa maior prontitude posible:
1º) Na Avenida de Lurdes dentro do casco histórico da nosa cidade, entre as vivendas nº 22 e 36 observamos a falta dunha farola de alumeado público. Seguramente estaba situada no nº 34 (dita vivenda foi derruida fai tempo) motivo polo que se nota a falta de alumeado. Por este motivo ROGAMOS ó equipo de goberno que se coloque unha farola entre as vivendas antes mencionadas para solucionar a falta de alumeado nesta zona.
2º ) Na parroquia de Covas, concretamente na rúa Pedregal nº 18, hai unha farola que leva meses sen funcionar, o que provoca o escurecemento total desta zona en canto anoitece, cos conseguintes riscos que esta situación pode provocar. Por esta razón lle ROGAMOS ó equipo de goberno que solucione á maior brevidade posible esta falta total de iluminación na zona antes mencionada.
3º) No antiguo mercado gandeiro (antiga Feira) situado no barrio de Verxeles, recinto de propiedade municipal, ocupado na actualidade pola empresa concesionaria de limpeza Cespa, cedido a dita empresa de limpeza de maneira provisional á espera de que esta construia a tan esperada nave, podemos observar no mesmo a presencia de abundante maleza e silvas, así como un aspecto pouco ordenado o que provoca un aspecto de abandono que non é digno do lugar en que está situado, lugar de abundante tránsito polas instalacións que se encontran na súa contorna.
Por este motivo lle ROGAMOS o equipo de goberno local que inste a quen corresponda a súa limpeza, cortando a maleza e adecentando o seu aspecto.
Así mesmo tamén lle ROGARÍAMOS o equipo de goberno, que comunicase a quen competa, o traslado dos colectores almacenados no estadio deportivo do Cembedo (lugar que non resulta moi apropiado ) a este recinto do antiguo mercado gandeiro.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
