Burela, 16 de abril de 2016.- O CD Burela FS Pescados Rubén regresa de terras catalás con tres puntos máis, sen fallo no seu propósito de loitar por todo. As pupilas de Lucas remaron contra a rápida iniciativa no marcador das locais, souberon recompoñerse nuns primeiros minutos moi rifados no marcador para apropiarse da cita con 2-4 xa ao descanso.
As mariñás viviron uns compases iniciais ás que non están afeitas. Ao temperán gol por arriba de Berta, desde saque de córner (minuto 3), cunha defensa laranxa que saíu tarde, o Burela FS respondeu cun contraataque de Dany no minuto 5, que culminou Gaby, soa, ao segundo pau. Volveron adiantarse as locais, con Stela ao bordo de área (minuto 9), pero non deixaron as da Mariña que o festexasen moito; no 10, Peque igualou de novo a contenda, asistida por Dany. Nese momento as de Lucas decidiron apropiarse do electrónico e do xogo, ampliando distancias Dany, de disparo afastado, no minuto 12 e Bea Mateos, finalizando unha contra de Peque, na recta final.
Na segunda parte o Burela FS Pescados Rubén non quixo deixar opción ao rival e seguiu buscando ampliar distancias. No minuto 28 anotou o 2-5; recolleu en zona de pivote, virouse e perforou a rede. As catalás tentaron a remontada con porteira xogadora no últimos cinco minutos, ante unha atenta defensa burelista. Na recta final Peque atopou o 2-6 tras unha fulgurante xogada individual en galopada. O definitivo 3-6 chegou nos últimos segundos, tras un rexeite de Andrea co Gironella de cinco.
Ficha técnica
Gironella FS: Noelia, Stela, Zoe, Celia, Berta (quinteto inicial). Tamén xogaron Pilar, Cristina, Helena, Julia, Laura, Alba
CD Burela FS Pescados Rubén: Andrea, Dany, Peque, Ceci, Bea Mateos (quinteto inicial). Tamén xogaron Gaby, Claudia
Goles: 1-0, min. 3 Berta Velasco; 1-1, min. 5 Gaby; 2-1, min. 9 Stela; 2-2, min. 10 Peque; 2-3, min. 12 Dany; 2-4, min. 20 Bea Mateos; 2-5, min. 28 Dany; 2-6, min. 38 Peque; 3-6, min. 39 Celia
Árbitros: Jordi Olivé e Juan Ona, do colexio catalán. Amoestaron con cartolina amarela a Bea Mateos (minuto 32) no Burela FS Pescados Rubén.
Incidencias: Partido correspondente á 24ª xornada de Primeira División RFEF, disputado no pavillón municipal de Gironella
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
