Ribadeo, 28 de xuño de 2025. Ribadeo renovou a súa páxina web turística, na que está recollida a esencia deste concello e todo o seu legado. Na presentación participaron o alcalde, Dani Vega, e a concelleira de Turismo, Marta Saiz.
O rexedor contou que “Ribadeo presenta a súa páxina web renovada, onde hai espazo para aqueles iconos que temos en Ribadeo. Un espazo dedicado para As Catedrais: autorizacións das visitas, como chegar, as mareas, as xeorrutas, visitas guiadas. Os consellos que se dan para cando se visita a praia das Catedrais, desde un punto de vista da seguridade, tamén a historia, a xeoloxía, a flora, a fauna e as figuras todas de protección”.
Vega seguiu a relatar: “tamén temos un espazo dedicado ao Ribadeo Indiano. O Ribadeo Indiano, ten tamén o seu propio espazo dentro da páxina web, vaise poder consultar o programa, todo o que vai haber no Ribadeo Indiano durante esa fin de semana”.
O alcalde indicou que “nesa web tamén hai un espazo dedicado ao patrimonio: Descubre Ribadeo, o legado indiano, a ría de Ribadeo, a costa e as praias, o patrimonio que temos, un espazo que nos conecta coa Mariña, as esencias de Ribadeo e todo un espazo dedicado a aquel Ribadeo 20/25, ese aniversario no que estamos nestes momentos, onde vai haber un espazo para a fotografía, todo o que queremos resaltar que ten Ribadeo, o casco vello, o patrimonio, que é declarado BIC, por iso cumprimos 20 anos e tamén 25 anos de destino turístico”.
A web de turismo ten como destinatario ao visitante: “para aquela persoa que queira organizar a súa viaxe: onde de comer, onde durmir, Ribadeo detallado en días, as festas, as celebracións, o Camiño de Santiago, o turismo activo”.
Dani Vega subliñou: “a axenda, esta é unha novidade moi importante. Cando entramos na páxina web do Concello de Ribadeo é tamén na páxina web que presentamos agora, a páxina web turística, hai un calendario onde está toda a información detallada. Por exemplo, agora mesmo entras en xuño e xa che detalla todas as fin de semana e as semanas seguintes, é dicir todo un mes explicado o que vai haber durante todo ese mes”.
Para o rexedor “é moi boa noticia que a páxina web teña un espazo para a axenda, porque así moita xente se pode programar o que hai que facer, por exemplo, en Ribadeo no mes de setembro. É moi importante ter unha axenda actualizada, unha axenda ben programada, e que as persoas se poidan informar. A través, repito, da páxina web que hoxe presentamos, da páxina web turística e tamén da páxina web do Concello”.
Vega cree que “é unha páxina moi completa, que se pode facer practicamente toda a reserva para acudir a Ribadeo e tamén esa galería de imaxes que vamos ir incorporando pouquiño pouco. É un portal dixital onde se explica a esencia, o que ten Ribadeo, todo o seu legado, todo o seu patrimonio, todos os seus espazos naturais, toda unha programación dese Ribadeo dinámico, dese Ribadeo de eventos, que ten vida todo ano”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
