Burela, 14 de maio de 2016. A recollida do vidro incrementouse nun 25,91% en Burela durante o 2015, segundo os datos que hoxe deu a coñecer a concelleira de Medio Ambiente, Noelia Mª Ben. Durante o pasado ano foron 209.928 quilos de vidro os depositados nos colectores habilitados para este fin, 43.198 quilos máis que en 2014. A edil socialista fai unha valoración positiva destas cifras “xa que vemos que a xente está cada vez máis concienciada coa reciclaxe e coa conservación do medio ambiente”.
A taxa de reciclaxe situouse en Burela en 21,91 quilos de vidro por habitante (4,65 puntos superior á do ano 2014). Os datos facilitados por Noelia Mª Ben indican que o valor da taxa municipal supera en 6,37 puntos o valor da nacional, en 7,31 á taxa autonómica e en 9,29 o valor da provincial. Con respecto aos principais municipios mariñáns o de Burela é que rexistrou o maior incremento de quilo de vidro recollido con respecto a 2014 (21,49 puntos superior aos quilos recollidos en Viveiro e 13,11 puntos superior aos depositados en Ribadeo).
A concelleira de Medio Ambiente subliñou que “a reciclaxe do vidro recollido en Burela en 2015 supuxo un aforro de 251.914 quilos de materias primas e 28.550 litros de petróleo”. Noelia Mª Ben agradece “a colaboración dos veciños e das veciñas de Burela” e pídelles que “non baixen a garda, porque reciclar é moi importante para nós, pero sobre todo para as xeracións vindeiras e o entorno natural no que vivirán”.
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
