Cervo (Lugo), 2 de maio de 2016.- A Xunta pon a disposición das empresas do sector primario arredor de 38.000 metros cadrados na comarca da Mariña a cambio de alugueiros simbólicos. Así llo trasladaron este luns as conselleiras de Infraestruturas e Vivenda, Ethel Vázquez, e de Mar, Rosa Quintana, aos representantes da Federación de Confrarías, dos armadores, empresarios e produtores pesqueiros, cos que se reuniron para abordar as medidas e incentivos da Xunta para facilitar o acceso ao solo industrial e favorecer a instalación de empresas na comunidade, especialmente neste sector. Na xuntanza tamén estivo presente a delegada territorial de Lugo, Raquel Arias.
Ethel Vázquez salienta que os empresarios do sector nesta comarca lucense poderán acceder a solo industrial con prezos simbólicos de alugueiro que van desde os 60 céntimos, nalgunha parcela do parque empresarial de Cervo, ata os 1,20 cent./m²/ano, no caso do parque empresarial de Viveiro.
Vázquez lembrou que no mes de febreiro, pensando na importancia estratéxica que ten o sector primario na comunidade, decidiuse flexibilizar estas condicións para as empresas vinculadas á agricultura, á gandería ou ao sector do mar. Deste xeito, para os emprendedores que queiran desenvolver un proxecto empresarial en Galicia ligado ao sector primario puxéronse á súa disposición máis de 252.000 m² de solo en dereito de superficie, en 27 parques empresariais da comunidade, pagando un canon anual de entre 32 céntimos e 1,31 céntimos metro cadrado.
A titular de Infraestruturas indicou que case a terceira parte do solo empresarial reservado para o sector primario en dereito de superficie se atopa na provincia de Lugo.
O obxectivo desta fórmula do dereito de superficie é facilitar a posta en marcha de novos proxectos ou a ampliación dos existentes, diminuíndo os riscos de investimento das empresas, que pagarán menos polo solo nos primeiros anos –o primeiro ano de carencia, se así o solicitan-, precisamente cando deben afrontar maiores gastos.
Neste encontro con asociacións e empresas vinculadas ao sector do mar a Xunta trasladoulle todas estas medidas para darlles maiores facilidades para que poidan desenvolver as súas ideas de negocio e seguir xerando riqueza e emprego na comunidade.
O Executivo autonómico está a centrar a política de solo empresarial en poñer á disposición dos emprendedores o espazo necesario para que poidan instalar ou expandir os seus proxectos industriais, ofrecéndollo nas condicións máis vantaxosas posibles. A isto responden as bonificacións no prezo do solo empresarial, dun 50% no caso da provincia de Lugo.
Estas medidas permitiron que na comarca da Mariña xa se vendesen 64.000 m² de solo a prezos bonificados, concretamente no parque empresarial de Cervo, vendéronse 4 parcelas e máis de 28.000 m², 24.400 deles a unha empresa do sector primario, Acuidoro, que é líder na produción de rodaballo.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
