Este 11 de maio de 2016 tivemos no silencio nas aulas públicas de sexto de primaria a demostración práctica de que existe unha clara e rotunda posición cidadá contraria á LOMCE e a todo o que representa e intenta implantar.
No día no que se pretenderon poñer en marcha por primeira vez as reválidas de sexto de primaria, a resposta das familias galegas foi directa e sen fisuras: Non queremos que os nosos fillos e fillas teñan que pasar por unha proba como esta, non queremos que os etiqueten nin que os seleccionen, non queremos que ningún dos nosos nenos e nenas leven consigo máis información da que resulta da súa normalidade académica, da que pode facilitar o profesor ou profesora que os coñece e pode valoralos de acordo coa súa individualidade, porque é a única valoración que garante a atención e coidado que a nosa xuventude ten dereito a esixir.
Galiza dixo que NON ás reválidas dun xeito masivo, amplo e xeneroso, dixemos que non polos nosos fillos e fillas, pero tamén porque sabemos que detrás deles han vir outros, e que a nosa obriga é garantirlles o futuro, e para iso hai que parar esta Lei que non queremos e que nunca quixemos.
Dende a Confederación ANPAS GALEGAS, única organización das familias galegas que fixo un chamamento inequívoco á inasistencia dos nenos e nenas de sexto ás probas do día de hoxe, e tamén a única organización que desenvolveu un fondo traballo de información e acompañamento aos pais e nais do alumnado de sexto de primaria, queremos felicitar ás familias galegas, e queremos amosar o noso orgullo por pertencer a un País que soubo dicir en público outra vez que isto non é o que queremos na educación da nosa xuventude; e soubo dicilo con porcentaxes de seguimento abraiantes: unha media dun 80 % de abstención, con picos de máis do 90 % na Costa da Morte ou en Cangas, ou do 87 % en Vigo, abstención que se tería visto incrementada notablemente se non houbera en moitos casos obvios problemas de conciliación familiar. Este é un argumento que tería que facer pensar aos nosos representantes públicos, e tería que facerlles pensar que non están representando a ninguén cando tentan levar adiante políticas clasistas e diferenzadoras, excluíntes e segregadoras, como as que significa a LOMCE.
E por suposto, con absoluta claridade, nós só falamos de Ensino Público, que é o Ensino ao que todos e todas teñen acceso, e o que representa o espazo común e compartido no que desexamos que se eduquen para a vida os nosos fillos e fillas. De aí ven o éxito da convocatoria que só nós fixemos para o día once de maio , da defensa do que é de todos e que debe ser para todos, do que nos sentimos defensores e participes: o noso Ensino Público Galego.
Confederación ANPAS GALEGAS
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
