Foz, 25 de maio de 2016.- O alcalde de Foz, Javier Jorge Castiñeira, mantivo este martes unha xuntanza mantida coas traballadoras do asilo, reunión na que participou tamén unha representante do BNG, pois de PSOE e FPF non quixo acudir ninguén. O rexedor explicou que se falou do futuro dos traballadores e dos residentes cando se abra o novo xeriátrico e advirte que o voto en contra á proposta do goberno local para a xestión do novo centro suporía perda de postos de traballo e que moitos dos residentes do actual asilo quedarán sen praza. Este asunto abordarase no pleno da corporación municipal focense que se celebrará o vindeiro luns, día 30.
Javier Castiñeira comentou que “para onte tíñamos prevista unha reunión entre os traballadores do asilo e os representantes dos grupos da corporación municipal. Así se fixo ás oito e media da tarde e asistiron unha representante do BNG, Teresa Rego, e eu mesmo, como alcalde, xuntanza na que estiveron a maior parte das traballadoras do asilo. Escoitamos as súas inquietudes posto que existen dúbidas sobre o seu futuro laboral, pero tamén sobre todos aqueles residentes que a día de hoxe están no asilo de Foz, máis de 35 maiores que teñen agora mesmo o futuro nas mans da corporación. É así porque o próximo luns irá a pleno a xestión do novo xeriátrico de Foz; o goberno propón a única opción que garante a continuidade dos postos de traballo e dos maiores do actual asilo nese novo centro, que nos cedería o Consorcio Galego de Servizos de Igualdade e Benestar, e polo tanto espero que os demais grupos voten favorablemente a esa opción porque votar en contra sería facelo en contra dos postos de traballo que hai actualmente no asilo e tamén en contra da estabilidade emocional dos nosos maiores que a día de hoxe están sendo atendidos no actual centro”.
O alcalde engadiu: “non sabemos porque os representantes de PSOE e de Plataforma non quixeron asistir onte á reunión; quizais porque teñen argumentos ocultos diferentes aos que se manifestaron nas diferentes xuntas de portavoces previas a toda esta situación. Pero eu diríalles que non carguen de demagoxia este asunto, que apoien a petición que fai o goberno para que o Consorcio ceda as instalacións e o equipamento ao Concello e que este faga o propio con Mensajeros de la Paz para que xestione durante 4 anos esas instalacións e así teñamos unha transición normal para que non se perdan postos de traballo nin calidade na atención aos nosos maiores. Polo tanto pídolles sensibilidade e humanidade, porque votar en contra suporía ter que dar despois moitas desculpas. Entón solicítolles valentía apoiando esta proposta que fai o goberno municipal, porque debemos ter en conta que en Foz existe unha situación completamente diferente a calquera outra apertura doutros centros deste tipo noutros lugares, porque en Foz existe un asilo que leva funcionando moitos anos e, dende logo, toda esa xente necesita o noso apoio. Polo tanto o goberno pide sensibilidade aos grupos; espero que isto saia adiante e que a partir de aí poidamos traballar cos técnicos na redacción dunha ordenanza e en analizar como será o modo desa relación entre Mensajeros de la Paz e o Concello para levar adiante a xestión do novo xeriátrico de Foz”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
