Burela, 21 de maio de 2016.- O Burela FS Pescados Rubén mantense no liderado de Primeira RFEF a falta de dúas xornadas para o final de liga, tras unha traballadísima vitoria en Móstoles (2-3). As mariñás armáronse de paciencia para bater todas as adversidades; superaron a tensión dunha cita crucial con garra e entrega, conseguindo ampliar a axustada renda de 0-1 ao descanso ata 1-3 e mitigando as arremetidas mostoleñas con porteira xogadora na recta final, que só puideron reducir distancias nun penalti.
As laranxas dominaron sobre a pista de Villafontana desde o asubío inicial aínda que o claro perigo sobre os paus locais non proliferou como noutras ocasións nos minutos iniciais; aos poucos, a habitual frescura na finalización burelista comezou a deixarse ver cos seus primeiros escintileos. A denominación de orixe da pichichi, Peque, estreou o luminoso, no minuto 9, en xogada individual. As grandes intervencións da porteira mostoleña impediron unha maior vantaxe ao descanso.
O segundo acto empezou con malas novas para as de Lucas; no 24, María Otero asinaba a igualada. Con todo, a reacción non se fixo esperar demasiado; no minuto 27, o Pescados Rubén volveu adiantarse en xogo de pivote con Dany, e pouco despois, antes de chegar ao ecuador, Bea Mateos materializou o terceiro tras recuperación e combinación con Maite. Chegaron entón os compases de máis acougo para as galegas ata que a falta de pouco máis de catro minutos o Móstoles apostou pola remontada con xogo de cinco. Sobre o 37, volveu facer acto de presenza María Otero para reducir distancias de penalti, pero o Burela FS Pescados Rubén nin pestañeó; mantívose impertérrito para salvagardar os tres puntos e o liderado ata a bucina final.
Ficha técnica
FSF Móstoles: Lucía, Celia, María Otero, Inma, Ballesteros, cinco inicial; tamén xogaron Didi, Rocío e Andrea
CD Burela FS Pescados Rubén: Jozi, Maite, Bea Mateos, Peque, Dany, cinco inicial; tamén xogaron Ceci, Claudia e Gaby
Goles: 0-1, minuto 9, Peque; 1-1, minuto 24, María Otero; 1-2, minuto 27, Dany; 1-3, minuto 29, Bea Mateos; 2-3, minuto 37, María Otero
Árbitros: Alonso Abad e Iglesias Fernández, do colexio madrileño. Amoestaron con cartolina amarela a María Otero no Móstoles e a Peque e ao delegado no Burela FS Pescados Rubén.
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
