Ribadeo, 16 de maio de 2016. Este sábado, 21 de maio, terá lugar un novo curso de formación continúa da Asociación de Profesores de Automoción de Galicia. Esta nova cita abordará o gas licuado do petróleo (GLP) utilizado no automóbil. A duración do curso será de 8 horas e celebrarase, como ven sendo habitual, nas instalacións do hotel O Cabazo, en Ribadeo.
O curso, destinado a socios de Apaga, “está composto por 4 horas de teoría e 4 de práctica sobre instalacións en vehículos, diagnose e mantemento de sistemas. Será impartido por Repsol”, segundo explica Álvaro Doural, presidente da Asociación de Profesores de Automoción de Galicia.
Aínda queda algunha praza libre para asistir a este curso. Os interesados en participar poden anotarse na seguinte dirección de correo electrónico: apagaribadeo@gmail.com.
Apaga xe celebrou este ano, en marzo e abril, varias fins de semana tecnolóxicas en Ribadeo nas que se abordaron temas como a climatización no automóbil, a diagnose mediante osciloscopio ou os sistemas de transmisión.