Foz (Lugo), 16 de maio de 2016.- A Consellería de Cultura, Educación e Ordenación Universitaria investirá arredor de 200.000 euros na apertura dun Centro de Interpretación na igrexa de San Martiño de Mondoñedo, en Foz, co obxectivo de ampliar o coñecemento deste conxunto monumental e achegalo ao público xeral. En concreto, este novo espazo cultural situarase na antiga casa reitoral.
O investimento da Xunta queda recollido nun acordo de colaboración asinado hoxe entre o conselleiro Román Rodríguez; o alcalde do concello, Javier Jorge Castiñeira; e o vicario xeral da diocese de Mondoñedo-Ferrol, Antonio Rodríguez Basanta. O conselleiro –que estivo acompañado pola directora xeral do Patrimonio Cultural de Galicia, María del Carmen Martínez Insúa, e pola delegada territorial da Xunta en Lugo, Raquel Arias– destacou o “atractivo cultural e turístico” deste complexo, que se verá incrementado unha vez entre en funcionamento o Centro de Interpretación.
En virtude desta cooperación, proposta pola Consellería para difundir o valor da que é a catedral católica máis antiga de España que se conserva en pé, a Dirección Xeral do Patrimonio Cultural colaborará co financiamento do deseño do proxecto e na montaxe e dotación dos recursos expositivos.
Incrementar as visitas
Pola súa banda, o Concello asumirá a xestión do Centro e os custes derivados da súa apertura pública, incorporando os espazos e recursos do mesmo á oferta de visita pública. Cómpre lembrar que o propio municipio xa tiña a disposición dos veciños e turistas un servizo de visitas guiadas na igrexa, pero esta actuación axudará a reforzar a difusión turística e cultural deste conxunto monumental.
Por último, o compromiso da Diocese de Mondoñedo-Ferrol e a parroquia de San Martiño de Mondoñedo susténtase na cesión do uso dos espazos acondicionados para o Centro, así como das pezas mobles que formarán parte da colección.
Co acordo xa asinado, o seguinte paso é a redacción do documento técnico, onde quedarán definidos o deseño expositivo, contidos e deseño museográfico do futuro Centro. A continuación, a Consellería procederá a licitar os traballos de montaxe a apertura, previsiblemente no último trimestre deste ano, co fin de que o novo espazo cultural poida entrar en funcionamento, totalmente equipado e preparado, no verán do ano 2017.
Visita a Meira e Riotorto
Por outro lado, o conselleiro tamén visitou os concellos lucenses de Meira e Riotorto. No primeiro interesouse polo retablo da igrexa de Santa María, mentres que en Riotorto aproveitou para visitar a Casa da Cultura, onde manifestou a posibilidade de colaborar co concello no inventario do fondo bibliográfico.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
