Lugo, 27 de maio de 2016.- Unha representación do Parido Popular lucense mantivo na mañá deste venres un encontro de urxencia cos integrantes do Comité da empresa Alcoa en San Cibrao.
Na xuntanza participou a presidenta provincial dos populares lucenses, Elena Candia, acompañada do senador José Manuel Barreiro, dos deputados José Manuel Balseiro e Jaime de Olano e dos alcaldes populares de Xove e Cervo, Demetrio Salgueiro e Alfonso Villares, respectivamente
Para o PP “era prioritario” celebrar este encontro cos representantes dos traballadores para trasladarlles que están “ao carón das súas preocupacións” ante as decisións que a multinacional do alumino poida adoptar sobre o futuro das súas fábricas e, moi en particular, dos centros de traballo lucenses de alumina e aluminio.
Candia explicou que quixeron facerlles partícipes da mensaxe que “nos consta comparte tanto o presidenta da Xunta como o conselleiro de Economía, Emprego e Industria” en relación a que “estarán vixiantes” supervisando a evolución destas negociacións.
Indicou tamén que o Partido Popular e o Goberno galego só apoiaran aqueles proxectos nos que “como condicións mínimas se garanta a continuidade dos postos de traballo e se manteñan os investimentos comprometidos”
A disposición dos traballadores
“Poñémonos a disposición dos traballadores para defender e compartir as súas preocupacións e trasladar e defender as súas posturas alí onde teñamos representación institucional e tamén responsabilidades de goberno”-concluíu Candia.
Pola súa banda o senador José Manuel Barreiro e candidato popular comprometeuse tamén a realizar as xestións precisas ante Ministerio de Industria e insistiu en amosar o seu apoio aos traballadores
Nesta liña o coordinador comarcal dos populares e deputado autonómico Jose Manuel Balseiro lembrou que de Alcoa dependen 1.200 persoas máis 500 empregos indirectos polo que emprazou a que calquera decisión que poida adoptarse manteña integramente este emprego.
Un proxecto estratéxico e irrenunciable
Desde o PP de Lugo lembran que a planta que Alcoa ten en San Cibrao é un proxecto “estratéxico e irrenunciable”, polo seu peso como motor industrial da comarca da Mariña pero tamén do conxunto da provincia, onde representa máis do 30% do seu PIB
Desde o Partido Popular consideran necesario “que se dean explicacións claras” sobre os plans de futuro da fábrica malia que salientan o feito de que “non se estea a falar en ningún caso de peches, como acontecía no pasado, senón dunha reorganización que pasa por un novo socio ou á venda pero con continuidade dos proxectos”.
O PP destacou que Alcoa foi nos últimos anos destinatario preferente dos apoios das distintas administracións que, por exemplo, impulsaron obras de gran relevancia como o gasoduto, que contribuíron a mellorar a competitvidade da empresa e agardan que en lóxica coherencia con estes esforzos a compañía manteña o compromiso coa comarca.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
