Lugo, 26 de maio de 2016.- A delegada territorial da Xunta, Raquel Arias, participou hoxe en Mondoñedo nunha das accións formativas destinadas a profesionais do turismo en contacto co cliente que se están a impartir dentro do proxecto estatal Anfitrións-Cultura do Detalle, impulsado por Turismo de Galicia en colaboración coa Secretaría de Estado de Turismo de España.
Arias subliñou que “estes cursos teñen o obxectivo de dotar aos traballadores e empresarios do turismo da comarca da Mariña de coñecementos actualizados que lles permitan mellorar a atención ao cliente que ofrecen nos seus establecementos e, polo tanto, incrementar o nivel de calidade dos negocios”.
Neste senso, a delegada fixo fincapé no papel destacado que xogan os axentes turísticos na aposta pola excelencia e sinalou que “son os profesionais do turismo da Mariña os que deben tomar a iniciativa e diferenciarse a través dun servizo de calidade ao cliente que, coa axuda das administracións, permita posicionar a comarca no catálogo de destinos de primeiro nivel”.
Arias tamén gabou o traballo feito ata o de agora polas empresas turísticas da zona e indicou que precisamente esta semana se deron a coñecer os establecementos galegos que obtiveron ou renovaron a Q de Calidade Turística durante o 2015.
Segundo dixo, “A Mariña foi recoñecida con seis selos de calidade, dun total de 14 recoñecementos obtidos a nivel provincial, o que vén a demostrar a boa posición na que se atopa o sector do turismo na comarca, que xa suma un total de 18 Qs de Calidade”. A nivel provincial, son 44 os establecementos, empresas e paraxes naturais que están actualmente en posesión desta distinción.
A tendencia positiva tamén a reflicten os últimos datos de ocupación hoteleira. Así, tal e como informou a delegada da Xunta, “foron máis de 26.400 os viaxeiros aloxados nos establecementos mariñáns no primeiro cuadrimestre deste ano, case un 4% máis dos que o fixeron no mesmo período do 2015, superándose ás 43.500 pernoctacións hoteleiras na comarca, o que supón un incremento do 6,1% respecto ás rexistradas polas mesmas datas hai un ano”.
O turismo nacional representou neste período o 90% do total da demanda da Mariña, subindo un 4% respecto ao anterior exercicio, e os datos de viaxeiros procedentes do estranxeiro melloraron de maneira significativa, incrementándose en case o 30%.
Arias animou aos profesionais do turismo a seguir formándose e a reciclar os seus coñecementos para non perder de vista as novas tendencias do mercado, á vez que aproveitan de maneira eficiente os recursos turísticos da Mariña, entre eles o Camiño do Norte ao seu paso polos concellos da zona, que o ano pasado foi percorrido por preto de 16.000 peregrinos, ou as 24 bandeiras azuis que suman as praias e portos deportivos da comarca.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
Foille notificada polo Tribunal Superior de Xustiza de Galicia. O cervense, que declarouse "absolutamente inocente", anunciou a súa decisión ao Presidente Rueda. A denunciante sería unha popular presentadora de TV ferrolá.
1º. Banco de Loiba. De Diego Pérez Dopico. 56 puntos. 2º Bolboretas: sementadoras de vida. De Germán Paleo Navarro. 47 puntos. TOP CERVO Ruínas. De Consuelo Fra Fernández. 36 puntos. En total participaron 26 instantáneas. Desde o Concello agradecen a participación neste certame consolidado que é tamén unha chamada á reflexión, por captar e compartir a súa ollada neses momentos que reflicten o respecto, a beleza e tamén os retos que afronta a noso medio ambiente; ao tempo que nos permiten coñecer o seu traballo a través da súa óptica, e tamén descubrir lugares e situacións únicas, como sempre fan edición tras edición nesta iniciativa que “naceu para poñer en valor a nosa contorna natural e fomentar unha conciencia máis respectuosa co medio".
Farao tras recibir a autorización concedida pola consellería de educación.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
