Lugo, 1 de xuño de 2016.- O subdelegado do Goberno en Lugo, Ramón Carballo, e o alcalde de Foz, Javier Jorge Castiñeira, copresidiron na mañá deste mércores a reunión da xunta local de seguridade do municipio, na que tamén participaron representantes da Garda Civil, o Subsector de Tráfico, a Policía Autonómica e a Policía Local.
No encontro acordouse reforzar a vixianza por parte dos distintos corpos policiais durante os meses de verán, nos que a localidade focense ve multiplicada a súa poboación, prestando especial atención á zona dos areais e á celebración de eventos festivos destacados, como é o caso das festas patronais de San Lourenzo, as festas do Carme en San Martiño, o Festival Why Not Here Fest ou o Festival do Emigrante.
Así, e aínda que o Concello se encarga de deseñar os respectivos dispositivos de seguridade atendendo á súa competencia, adiantouse que os efectivos de Policía Local reforzarán a súa labor na época estival e que contarán coa colaboración da Garda Civil para velar polo mantemento da orde pública e previr a comisión de posibles feitos delictivos. Este traballo conxunto favorecerá unha resposta máis áxil e eficaz ás posibles necesidades de veciños e visitantes.
Evolución da delincuencia
Os integrantes da xunta local analizaron tamén, como é habitual, a evolución da delincuencia no municipio. Segundo os datos oficiais da Garda Civil presentados na xuntanza e correspondentes á anualidade 2015, a delincuencia en Foz manténse en niveis prácticamente idénticos aos do ano anterior, e sen feitos violentos reseñables.
Destacouse que as Forzas e Corpos de Seguridade do Estado intensificaron a súa labor para previr a comisión de delitos no municipio, especialmente delitos contra o patrimonio, así como para esclarecer e poñer a disposición da xustiza aos autores dos que se chegan a producir. No conxunto do pasado ano, os axentes do posto de Foz detiveron a 19 persoas e investigaron a outras 32 pola súa presunta implicación en feitos constitutivos de delito.
Plan dirixido á comunidade educativa
O subdelegado do Goberno informou tamén do traballo realizado en Foz ao amparo do Plan director para a convivencia e a mellora da seguridade escolar nos centros educativos e as súas contornas, deseñado pola Secretaría de Estado de Seguridade. O obxectivo deste plan é reforzar a educación, a prevención e a vixilancia nos centros escolares poñendo á disposición dos mesmos a asistencia técnica que precisen para previr e abordar os episodios graves que poidan ameazar a convivencia escolar, así como axudando a mellorar o coñecemento de alumnos, pais e profesores sobre os problemas de seguridade que afectan aos mozos e mozas.
Ao longo do curso pasado, 2014-2015, os axentes impartiron 13 charlas no marco deste Plan director en Foz. En concreto, nos centros CEIP Nº1, CPR Nuestra Señora del Pilar, IES de Foz e CEIP O Cantel, sobre temáticas como o acoso escolar, os riscos de internet e as novas tecnoloxías, os perigos das drogas e o alcohol e a prevención dos incendios forestais.
No que vai do actual curso académico, impartíronse 12 charlas en centros educativos do municipio (no CEIP Fondo Nois, CEIP Nº1, Asociación Educando en Familia, CPR Martínez Otero, IES de Foz e CEIP O Cantel).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
