12 de xuño de 2016.- En Marea presentou, na tarde do domingo na Casa da Cultura de San Cibrao, a algúns dos membros da lista ás Cortes pola provincia de Lugo. Neste acto reuníronse membros das candidaturas ao Congreso e ao Senado e dialogaron con arredor de 25 veciñas e veciños.
Miguel Anxo Fernán Vello, candidato nº1 ao Congreso, apuntou que: “desta gran marea galega, e esta alianza en forma de unidade popular, están pendentes en todo o Estado e no conxunto de Europa. Precisamos un novo Estado: un Estado Social fronte aos sectores financieiros e amos e señores de sempre sigan impoñendo aos pobos unhas políticas contra os seus intereses. De Nunca Máis, ao 15M e a AGE e ás mareas municipais houbo xa unha búsqueda dun traballo político cooperativo. A corrupción, que chegou ao cerne do sistema, coma a Monarquía (ata lle fixeron dimitir ao capo, o anterior Rei), supuxo en nós alarma e reactivación da conciencia política nas mulleres e homes libres. O día 26 de Xuño lograremos darlle unha resposta democrática contundente a esta podredume institucionalizada que provoca emigración, desesperación na propia terra e moita indignación. Medio millón de persoas viven en Galiza en situación de exclusión social. Coma en Grecia, máis de 300 persoas optan pola vía do suicidio ante a falla de horizontes, sendo a provincia de Lugo unha das zonas máis afectadas en Europa. Para esta zona, entre outras cousas, facemos nosas as reivindicación do Comité de Empresa de Alcoa e as reivindicacións dunhas estradas e infraestruturas dignas e de calidade para o futuro económico da Mariña”
Participaron tamén do acto Carme Granxeiro, Luis Daporta e Sol Carcur, candidata e canditado ao Senado e candidata numero 4 ao Congreso, respectivamente.
Carme Granxeiro introduciu a idea de que é unha “vergoña que representa, por exemplo, que centos de miles de persoas coma meu irmán non poidan votar desde o exterior. O voto rogado é unha deturpación da democracia. Outra cousa que debemos atender, á parte dos gravísimos problemas sociais, é o asunto do recurte en liberdades, como a Lei Mordaza. Tamén queremos que se considere á violencia cuestión de estado, e precisamos políticas públicas que atendan a estas cuestións de maneira primordial”
Luis Daporta: “A historia da nosa saúde pública é a historia dun roubo sistemático e organizado: coa desculpa dos recortes comezaron a crear hospitais privados que acabaron saíndo carísimos. Fan negocio coa nosa saúde. Pasamos dun sistema público con dereitos a un sistema de caridade
Sol Carcur: “a min móveme a idea de optar por un dos dous modelos que están en xogo en Europa: ou o poder dos mercados, ou o poder público que garante dereitos. Ou o avance do fascismo, ou a democracia. Para nós, para as migrantes, para as refuxiadas. Para todas as persoas traballadoras”
Na conversa aberta coa veciñanza sairon á palestra problemáticas propias e específicas da zona da Mariña asi como tamén a posibilidade que se abre cara ao futuro das eleccións autonómicas a preservación e fortalecemento dos espazos de unidade popular pola base. Tamén saíu moito na conversa coa veciñanza de San Cibrao a problemática da Saúde Pública.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
