O GMP de Burela asegura que “a vivenda para violencia de xénero podía estar a piques de funcionar se o goberno socialista traballase o que tiña que traballar”

Burela, a 13 de xño de 2016.- “Se o goberno municipal socialista traballase o que tiña que traballar, a vivenda de emerxencia para casos de violencia de xénero xa podía estar a piques de funcionar”. Así se manifestou o Grupo Municipal Popular (GMP) do concello de Burela logo de ver que a concelleira de Servicios Sociáis pídelle á Xunta unha axuda para acondicionar a indicada vivenda.

O GMP quere “deixar claro que a vivenda está aí, porque houbo un goberno municipal, do PP, que tomou a decisión de tela. E para eso, desfectouna do seu uso anterior, e procedeu ó seu arranxo a través dun obradoiro de emprego e hasta onde chegaron os cartos”.

Os populares tamén indican que “foi o anterior goberno do PP que comenzou todos os trámites para que a vivenda fose xestionada por ‘Mulleres en Igualdade’, e tamén foi quen comenzou os trámites para acadar da Xunta a subvención necesaria para o acondicionamento da vivenda”.

“Pola contra, afirman, o goberno socialista paralizou todo, e sólo conseguiu perder un ano precioso, xa que a vivenda podía estar a piques de comenzar a funcionar, e ademáis de forma totalmente gratuita para o concello, xa que sería ‘Mulleres en Igualdade’ quen se faría cargo da xestión da mesma”.

Para os populares, “é evidente que, a tenor do indicado, a concelleira de Servicios Sociáis, na súa liña habitual de perda de tempo e escaso traballo, tal e como fixo cos cursos de mulleres (que os puxo en marcha con cinco meses de retraso), chega tarde neste asunto”.

Con todo, indican, “dado que este proxecto nace e se desenvolve co goberno municipal do PP, manifestamos que estamos totalmente a favor de que a vivenda se poña a disposición das persoas que o necesiten, pero tamén manifestamos que debe ser canto antes. Pedímoslle a concelleira que acelere un pouco no seu traballo, porque cobra relixiosamente dos impostos de todos os cidadáns, e hasta o momento nin neste nin noutros asuntos tén demostrado nada, o que a incapacita para apropiarse de proxectos, e tamén feitos, que veñen do goberno municipal do PP”.