A Mariña, 11 de xuño de 2016.- Olalla Rodil, cabeza de lista ao Congreso, Martín Graña, responsábel comarcal de Galiza Nova e candidato tamén ao Congreso, Montse Porteiro, candidata mariñá ao Congreso, así como a responsábel comarcal do BNG, Ana Ermida, e outros cargos orgánicos da organización frontista mantiveron un encontro con xente moza no bar Cienfuegos de Ribadeo para escoitar a súa opinión e trasladar as propostas do BNG – NÓS referidas á mocidade.
A organización nacionalistas lembrou que foron mais de 3.000 as mozas e mozos de entre 25 e 35 anos que tiveron que emigrar fora da comarca nos últimos cinco anos, “unha sangría social e de capacidade transformadora que nin a comarca, nin a provincia se pode permitir, nin Galiza”.
A candidata, Olalla Rodil, afirmou que “nun pais rico como é o noso, deixar escapar desta maneira á mocidade mellor formada das últimas xeracións, e non aproveitar o seu potencial para regalárllelo a terceiros países é clara demostración da incompetencia do Partido Popular para aproveitar os recursos intelectuais, as enerxías, e a capacidade produtiva de Galiza, permitindo que as decisións as tomen Bruxelas e Madrid aínda que estas vaian contra a nosa viabilidade económica.”
Aínda así, Rodil afirmou que “Galiza ten futuro, si se planifica, se defende, se organiza, se moderniza e se potencia os sectores produtivos aproveitando e creando sinerxías entre os recursos económicos existentes e as capacidades comparativas que dispomos.”
Nesta liña, a formación nacionalista, presentou as “10 medidas económicas de choque para o futuro de Galiza”: Por unha banda (as sete primeiras), aquelas que abranguen propostas destinadas a activar a economía, parten do apoio decidido á innovación e ao fomento das actividades económicas ligadas a procesos e produtos con alto valor de coñecemento e valor engadido e que aseguren o peche completo dos ciclos de transformación en Galiza. Por outra banda, tamén se destacan as que atinxen a iniciativas para reducir as desigualdades sociais con medidas de regulación pública que distribúan equitativamente os recursos entre toda a sociedade galega (as tres restantes).
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
