O Grupo Municipal de SON VIVEIRO presenta, para o seu debate e posterior aprobación no próximo Pleno do Concello viveirés, unha moción a favor da igualdade de trato e contraria á discriminación das persoas lesbianas, gays, transexuais, bisexuais ou queers.
“Por desgraza, as agresións contra a diversidade sexual derivadas do rexeitamento e o odio ás persoas lesbianas, gays, transexuais, bisexuais ou queers –LGTBQ- persisten na nosa sociedade, malia a estar España considerada como un dos países da Unión Europea máis avanzados en igualdade real. Trátase dunha forma de violencia que convén denunciar e condenar por parte da sociedade e dos poderes públicos”, manifesta o seu Concelleiro, Marcos Besada.
Segundo SON VIVEIRO, as persoas lesbianas e bisexuais adoitan ver privado o seu acceso a tratamentos públicos de reprodución asisitida e a transexualidade continúa a considerarse como unha disforia de xénero a nivel médico. A erradicación da LGTBQfobia nos centros de emprego, nas aulas e nas rúas require dun esforzo educativo enorme, que necesita deconstruír moitos dos prexuízos naturalizados pola sociedade e que soen reproducirse de forma automática. Débese continuar traballando a nivel institucional en prol da igualdade legal, social e de feito entre todas as persoas e impedir que as conviccións morais ou ideolóxicas individuais sigan minando o avance da igualdade, que é o camiño da democracia.
Para iso, desde o Grupo Municipal de SON VIVEIRO, propoñen a adopción destes nove acordos:
1. Contribuír, nas competencias que lle son propias ao Concello, ao desenvolvemento e aplicación de todas as medidas previstas na lexislación vixente contra toda discriminación por orientación sexual, identidade de xénero e diversidade familiar, coa finalidade de erradicar da nosa sociedade calquera tipo de LGTBQfobia no ámbito familiar, escolar, laboral, social e/ou político.
2. Incluír a educación na diversidade afectivo-sexual e familiar nos programas de formación que poña en marcha o Concello, tanto para o alumnado de centros escolares como para o persoal funcionario ou técnico do municipio.
3. Impulsar, nos centros educativos da nosa cidade, a creación e posta en marcha de Titorías de Atención á Diversidade Afectivo-Sexual.
4. Izar a bandeira arco iris o 28 de xuño -día do Orgullo LGTBQ- na Casa do noso Concello, como símbolo do compromiso pola igualdade real e pola visibilidade do colectivo.
5. Retirarlles inmediatamente calquera tipo de subvención ou axuda económica ás entidades públicas ou privadas que, coas súas actuacións ou declaracións, fomenten o odio ou a discriminación cara as persoas LGTBQ.
6. Condenar a discriminación, violencia, persecución e criminalización das persoas lesbianas, gays, transexuais, bisexuais e queers -así como do resto de persoas que loitan en defensa dos seus dereitos- e as leis anti-
LGTBQ que se leven a cabo en calquera lugar do mundo.
7. Poñer en marcha todos os mecanismos posibles de colaboración co resto de administracións galegas para facer efectivo o cumprimento da Lei 2/2014, do 14 de abril, pola igualdade de trato e a non disciriminación de lesbianas, gays, transexuais, bisexuais e intersexuais en Galicia.
8. Instar ao Goberno da Xunta a un maior desenvolvemento da Lei 2/2014, do 14 de abril, en colaboración co movemento asociativo e demais colectivos no ámbito galego, co gallo de dotala de ferramentas e compromisos contra todo tipo de discriminación e violencia contra o colectivo.
9. Instar ao Goberno central para que se inclúa e se garanta o proceso da reasignación de sexo no catálogo de prestacións xerais da Seguridade Social e das lesbianas e mulleres bisexuais nos programas de reprodución asistida.
Este lume iniciouse ás 14.51 horas do luns e para a súa extinción mobilizáronse, de xeito acumulado, 2 técnicos, 14 axentes, 20 brigadas, 21 motobombas, 1 pa, 5 helicópteros e 7 avións. 
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
