A Mariña, 14 de xullo de 2016. O BNG mariñao reacciona ante a suspensión do transporte de mercadorías de FEVE polo traslado a Asturias de maquinistas que da empresa estatal que traballaban na empresa ferroviaria estatal FEVE. A portavoz comarcal Ana Ermida, esixe a inmediata reposición deste transporte que afecta de maneira directa ao traslado de Xove a Amorebieta de planchas de alumonio procedentes da planta de Alcoa en San Cibrao que deberán buscar alternativas por estrada colapsando a xa saturada e terceiromundista N634.
De non repoñerse o transporte de mercadorías nos próximos días, terá trasladado ao Parlamento Galego.
Para o BNG a ministra de Fomento Ana Pastor asesta unha nova puñalada ás xa miserentas infraestruturas de comunicación na comarca da Mariña que reducen e impiden a capacidade económica da comarca. A portavoz comarcal anuncia que de non solucionarse o problema nos próximos días trasladarán ao Parlamento Galego unha batería de iniciativas a fin de que o goberno galego exerza presión para resolvelo con urxencia.
Esixencia da inmediata reposición do servizo
Ana Ermida esixiu a inmediata posta en funcionamento da liña de transporte entre Xove e Amorebieta que traslada 350 tns de aluminio á semana, de non solucionarse este problema a alternativa por estrada usando a N634 xa saturada en nun estado de conservación lamentábel.
A nacionalista afirmou que causa estupor ver como se toman decisións dun día para outro sen previo aviso, poñendo en perigo non só o funcionamento normal dun transporte de mercadorías vital para a industria do aluminio na Mariña, senón que ademais prexudica ao conxunto da comarca ao volcar sobre a deteriorada, e xa colapsada N634, todo este transporte en plena época de verán cando se multiplica o tránsito de vehículos nesta vía. Amais, Ana Ermida alertou sobre este tipo de decisión tomadas desde o goberno español que mesmo poñen en dúbida a permanencia do servizo de FEVE na comarca de por si xa mínimo e alleo ás necesidades de transporte na comarca.
Neste sentido, a formación nacionalista aproveitou para volver reclamar melloras na N634, así como acelerar a construción da autovía de conexión entre Barreiros e San Cibrao pola que levamos agardando case vinte anos, ademais de reclamar un servizo ferroviario de proximidade que serva ás necesidades da poboación mariñá.
Na categoría ata 8 anos: 1º Paula Martínez, 6 anos. 2º Samuel Riera, 7 anos. 3º Valentina Blanco (5 anos) e Iara Pruneda (7 anos). Empate. Na categoría de 9 a 11 anos: 1º Lily Fernández, 9 anos. 2º Lily Fernández, 9 anos. Na categoría de 12 a 16 anos: 1º Iria Baltar, 12 anos.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
