Burela, 21 de xullo de 2016. O alcalde, Alfredo Llano, agarda que no prazo dunhas dúas semanas o presidente da Deputación de Lugo, Darío Campos, se desprace a Burela para asinar un convenio de colaboración entre ambas administracións que permita realizar obras de asfaltado en varias rúas, melloras en beirarrúas, en parques infantís e no barco museo Reina del Carmen ou a construción das casetas no campo de fútbol de A Marosa, entre outras. O rexedor rexistrou no Pazo de San Marcos a súa proposta, que suporía un investimento total de 400.000 euros, dos que a Deputación aportaría unha parte importante e outra sería a través de fondos propios do Concello.
Llano contou que “onte, mércores, estiven na Deputación de Lugo. E penso que o máis importante foi a presentación a través de rexistro para asinar un convenio coa Deputación para facer diferentes actuacións e obras. Entre elas van ser unha serie de asfaltados en diferentes rúas de Burela, vai haber unha reposición e arranxo de plaquetas en varias beirarrúas, dotación e reparación de xogos infantís nos parques, arranxo e mantemento do barco museo, axudas para publicacións e a para realización de viaxes recreativos e culturais, convivencia de maiores, casetas no campo de fútbol de A Marosa e sinalización viaria, horizontal e vertical, aquí no noso concello”.
O alcalde burelés agarda que “ou ben para a próxima semana o para a seguinte como máis tardar, veña o presidente da Deputación aquí por Burela e asinemos este convenio. É un convenio moi importante para o noso concello cunha serie de actuacións que van facer fincapé naquelo que sexa máis necesario en asfaltados, reparacións ou servizos. Eu creo que a Deputación vai colaborar, nosoutros tamén estamos pendentes de facer todo aquilo que a Deputación nos beneficie, para nosoutros tamén poder beneficiar ao conxunto dos veciños e veciñas de Burela e por tanto este convenio é realmente importante e interesante para o noso concello”.
Persoal
Alfredo Llano rexeitou as críticas efectuadas nas últimas horas polo grupo municipal do PP en materia de persoal. O alcalde asegura que todos os servizos municipais están cubertos, recoñece que hai varios traballadores de baixa e que outros se xubilan, pero que os procesos para cubrir esas vacantes están en marcha. Llano agarda ter lista a nova relación de postos de traballo nos primeiros meses do vindeiro ano 2017.
O rexedor contou que “xa se pediu colaboración tamén á Deputación para que nos manden técnicos e persoal desde alí mentres non se ocupen dunha forma efectiva os postos de traballo que son necesarios. Máis ou menos estamos complementando perfectamente o traballo de tal xeito que non se interrompa ningún servizo do concello, aquí o que se está a facer é procurar que isto funcione da mellor maneira posible e ocupándose os postos de traballo o antes posible tamén e coa xente mellor preparada”.
Llano manifestou que “todo o proceso require un tempo, pero basicamente hoxe hai unha rebaixa de persoal, hai tres ou catro traballadores de baixa, e hai xente que se xubilou, agora estase no proceso de convocar esas prazas por xubilación. Antes no anterior goberno do PP había prazas por xubilación que se ían retirando e non se volveron cubrir, iso tamén é algo que procede da etapa anterior. Pero nosoutros o que queremos é rematar definitivamente con este problema no noso concello e para ilo se está elaborando a relación de postos de traballo, unha vez que estea elaborada iranse cubrindo as prazas dunha maneira obxectiva e pensando sempre no mellor servizo para os veciños. Agora mesmo está ocorrendo o que ocorre en moitas administracións, por tanto non é nada que sexa preocupante porque temos todo contemplado. Estamos traballando para que non se deixe de servir aos veciños a través das diferentes seccións que hai aquí no concello, polo tanto non é unha situación preocupante”.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
