Cervo, 20 de xullo de 2016. O Concello de Cervo ven de asinar un convenio coa Consellería de Medio Ambiente para cambiar a rede de abastecemento de auga potable na zona de Riocobo. O investimento previsto é de 200.000 euros, que se distribuirán entre este ano e o próximo.
O alcalde de Cervo, Alfonso Villares, subliña que é “un convenio no que colabora a Consellería co Concello de Cervo á hora de axudarnos a facer un investimento importante nesas infraestruturas que son fundamentais para a vida de todos nós, que son desas obras que moitas veces non se ven porque están soterradas. Trátase do investimento de 200.000 euros para cambiar o abastecemento na urbanización de Riocobo”.
O rexedor cervense explica que “é unha zona onde estamos a ter bastantes problemas xa desde hai tempo, porque é unha rede antiga que aínda está en fibrocemento. A verdade é que a súa execución nos dificulta moitísimo cando hai calquera fuga atopala por cómo se fixo esa urbanización”.
Villares salienta que “o custe é importante porque a obra que hai que facer tamén o é e ademais é fundamental para que estes veciños non volvan ter os problemas que periodicamente están a ter porque hai distintas rupturas nesta antiga rede de fibrocemento”.
O alcalde de Cervo insiste en que é “unha inversión de 200.000 euros para unha obra de abastecemento de auga, para unha renovación dunhas canalizacións. Nós o que temos que facer como Concello de Cervo é agradecerlle á Consellería e a súa conselleira que mirara dese xeito para o concello de Cervo e para levar adiante esta obra tan fundamental para nós”.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
