Lugo, 22 de xullo de 2016. O voceiro do BNG na Deputación de Lugo, Xosé Ferreiro, informou que a formación que representa levará o vindeiro pleno da corporación provincial unha moción para instar ao goberno da Xunta de Galicia e ao Consorcio Galego de Igualdade e Benestar a aplicar de xeito inmediato o V Convenio do Persoal Laboral da Xunta ao persoal desta entidade pública así como ao mantemento da calidade nos servizos que presta.
Para o BNG “non é admisíbel que a día de hoxe a Administración Autonómica siga a ter persoal que se rexe exclusivamente polo Estatuto da Función Pública e polo Estatuto dos Traballadores”. “Os salarios, permisos, licenzas ou mesmamente a antigüidade son algunhas das discriminacións que está a sufrir este persoal e que teñen que cesar inmediatamente” sainalou o voceiro do BNG na Deputación de Lugo.
Ferreiro lembrou que o Consorcio Galego de Igualdade e Benestar botouse a andar no ano 2007 e ten na actualidade arredor de 2.000 traballadoras e traballadores, sendo preto de 200 os que realizan o seu traballo na provincia de Lugo. “Todo este persoal foi seleccionado nas súas correspondentes probas selectivas ou ben entrou a traballar de forma eventual polo sistema de listas legalmente establecido” explicou Ferreiro.
O Consorcio está constituído pola Xunta de Galicia e 272 concellos e é un ente que ten como obxectivo o desenvolvemento dunha serie de servicios sociais, estando composto por centros diversos que á súa vez realizan múltiples e variadas funcións, sempre no ámbito dos servizos sociais. Deste consorcion dependen, por exemplo, as Escolas Infantís, os Centros de Dia, as Oficinas de Inclusión, as Vivendas Comunitarias, os Centros Quérote, e os Fogares residenciais, aínda que este servizo non se presta na provincia de Lugo.
Centro Santo Anxo de Rábade
No pleno da corporación da Deputación tamén se tratará unha iniciativa na que se lle reclama á Xunta de Galiza que se garanta o funcionamento público do centro Santo Anxo de Rábade, levándose a cabo cunha xestión totalmente pública, ademais de dotar ao centro dos recursos materiais e de persoal que se requiran para aadaptación á nova lexislación das instalacións.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
