Foz, 19 de xullo de 2016. Os nacionalistas demandan unha condena do golpe franquista no seu 80 aniversario.
O grupo municipal do Bloque Nacionalista Galego vai rexistrar unha moción no Concello de Foz na que solicitan unha condena ao golpe de estado de 1936 e á ditadura franquista, iniciando ao mesmo tempo proceso de rehabilitación social e institucional das nosas veciñas e veciños vítimas da ditadura. Na mesma proposta esixen no último semestre de 2016 un recoñecemento e homenaxe a todas aquelas focegas e focegos que foron represariados, e cuxos nomes se anexan a dita petición, a consecuencia das ideas que defendían a raíz do golpe de estado de 1936.
As concelleiras nacionalistas Lorena Seivane e Teresa Rego lembran na súa moción que “o proceso represivo iniciado fai 80 anos golpeou a un bo número dos nosos veciños. Falamos de mestres apartados da súa escola como Xulio Cadahía de Santa Cilia ou Alfredo López de Ribela, carteiros como Benito Tarrón de Santo Acisclo ou Valentín Eijo de Fazouro, comerciantes e empresarios como Antonio Martínez Castiñeira ou Francisco Fernández López ou labregos como Leonardo Uría ou Manuel Campo. Lembramos aos confinados en campos de concentración como Ramiro Fernández Dorrego, Amalio Rodríguez ou Ramón Couto, aos dirixentes políticos e sociais como Ramón García, Xosé Paz ou Manuel Camba que rematou os seus días no exilio brasileiro. Facemos mención dos membros da corporación municipal como os concelleiros Xosé Antonio Fernández, Benigno Beltrán ou os Alcaldes Francisco Fuentes Riego ou Xosé Mel Pérez e así podíamos seguir con ramón López Leitón, Ramón Martínez Villarino ou Francisco Seixas. Unha referencia especial merecen as nosas conveciñas vítimas do franquismo como a pedagoga Cristina Pol ou Esther Xil, veciña de Cangas exiliada na Unión Soviética”.
A proposta presentada polas nacionalistas, coincidindo co 80 aniversario do golpe de estado franquista, indica que “o Concello de Foz non escapou a esta dinámica represiva, iniciándose un proceso de persecución contra daquelas persoas, asociacións ou institucións que se tiñan caracterizado polo seu compromiso democrático. Xa que logo, non hai esfera da vida social que fique á marxe desta dinámica, a comezar pola corporación municipal e o goberno que son destituídos do seu cargo o 24 de Xullo de 1936, a seguir pola Sociedade de Socorros Mutuos ou a Confraría de Pescadores, cuxas directivas son cesadas e algúns dos seus responsábeis desterrados de Galiza, chegando mesmo a Sociedade Deportiva Focega, que ve como a súa equipación é modificada por coincidir coa do Atletic de Bilbao. Outro tanto acontece coas seccións locais dos partidos políticos de Unión Republicana, Izquierda Republicana e Partido Socialista Obrero Español que son ilegalizadas e nalgún caso o seu local asaltado, as organizacións sindicais, nomedamente a UXT, cuxa actividade é clausurada así como diversas organizacións agrarias en Santa Cilia, Vilaronte ou Santo Acisclo”.
Lorena Seivane García.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
