Mondoñedo gozaba o sábado 9 de xullo de distintas actividades para fomentar o deporte na nosa localidade. A Asociación Salto do Coro e a Delegación de Deportes do Concello de Mondoñedo organizaron distintas actividades deportivas durante todo o día.
Por unha banda aproveitáronse as instalacións da piscina con distintas actividades nunha xornada de portas abertas. E, na parte de fóra, a Delegación de Deportes contou con inchables para goce de todos os nenos e nenas que así o quixesen.
Contamos coa presenza de Ricardo Hevia e Eduardo Pascual (ex-director deportivo do Estudantes) pola tarde, os cales adestraron ás nenas de baloncesto e aos mozos de fútbol-sala, gozando despois dun partido de baloncesto entre eles. Ricardo Hevia comprometeuse coa Asociación para colaborar o próximo ano no fomento do baloncesto en Mondoñedo.
Ás dez da noite tivemos a festa de despedida das escolas apadriñada deportivamente por Paco Villanueva (ex-presidente da Federación Galega de Triatón), Omar González (adestrador de triatletas de primeiro nivel) e Jose Antonio Blanco (presidente do Club Tripenta de Lugo). Na devandita cea, a Asociación tamén estivo acompañada pola Alcaldesa e por case toda a corporación municipal.
A este evento acudiron 150 persoas. Ao acabar a cea a Asociación premiou por unha banda a todos os nenos cunha orla dos equipos nos que participa, e aos deportistas máis destacados en cada categoría e en cada deporte. De igual forma, a Asociación quixo recoñecer aos patrocinadores a súa colaboración, e a axuda prestada estes anos por parte de Paco Villanueva no fomento do dúatlon en Mondoñedo, a colaboración do Casino de Mondoñedo pola cesión de instalacións para a práctica do Tenis de Mesa. Destacouse o traballo de Hermelino García polo traballo realizado durante este ano e o seu traballo no fomento do deporte na nosa localidade.
A asociación aposta por unha continuidade no traballo, e apunta por dúas actividades especiais para o próximo curso que son dúas viaxes deportivas cos alumnos das escolas. Por unha banda o proxecto de viaxar a Madrid durante catro días para ver eventos deportivos, adestramentos, xogar partidos amigables… Por outra banda unha viaxe máis curta á Coruña cos mesmos obxectivos deportivos e lúdicos.
Axiña a Asociación dará a coñecer a oferta deportiva e de adestradores para o próximo curso deportivo.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
