Instalouse no inconsciente (de inconsciencia) colectivo que hai que ser responsables e permitir un goberno presidido por Mariano Rajoy sen pedir nada a cambio, nin o máis mínimo xesto como a saída do seu polémico ministro de Interior, Jorge Fernández Díaz, ou corrección de rumbo nos casos de corrupción. Esta é a tese do PP, que repiten medios, xornalistas e algúns políticos que non son do PP. Ata se publican enquisas que logran que a cidadanía estea no mesmo rolo que os editorialistas. Resulta incrible a falta de calidade democrática nos que teñen que vixiar a calidade da democracia.
Ninguén vai falar da responsabilidade de Rajoy nesta fase? Como indiscutible gañador das eleccións do 26-X ten unha e moi clara: negociar cos demais grupos para lograr a investidura e formar goberno. Despois verase: un Goberno en minoría que terá que negociar cada coma. Veremos si a Mesa do Congreso representa esta situación inédita en 40 anos de democracia.
A responsabilidade do presidente en funcións obriga a ofertar, contraofertar, ceder, acordar. Para logralo é necesario traballar, convencer, atraer. Ou o responsable é regalar os votos do resto dos cidadáns sen demandar ao PP un mínimo de decencia política? Temos que tragar coa corrupción duns os que votamos contra a corrupción?
A cantilena é sinxela: todo é para evitar unhas terceiras eleccións, que Rajoy e os gurús do PP creen que lles virían ben. Para evitalas temos que baixarnos os pantalóns para que todo siga igual en ara da responsabilidade. É responsable acatar a irresponsabilidad?
Alguén debería ser responsable de verdade neste país e poñer límites ao mal goberno, ao saqueo da caixa da Seguridade Social, a contrátas amañadas, ás contas en Suiza ou Panamá, ás amnistías fiscais, ás leis mordaza, á educación ao servizo dunha igrexa que é parte e non todo. Ser responsable é non ter xuíces na Audiencia Nacional ao servizo dun partido a conta dos petos de todos. Ser responsable é esixir mellor democracia.
Como en decembro, o que non fai, Rajoy, parece que fai e os que fan parecen uns irresponsables radicais que non fan. Este estado de opinión interesado di moi pouco dos demais partidos, que se deixan roubar a mensaxe.
A próxima semana cúmprense 80 anos do golpe de Estado franquista, do inicio da Guerra Civil. Ademais da Fundación Francisco Franco alguén vai facer algo, unha lápida conmemorativa, unha música, un algo? Ás veces creo que volveron. Alguen corríxeme: Non volveron, son os mesmos que xamais se foron.
Oterto Regal
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
