A deportista viveirense Yolanda Rodríguez vencía con autoridade no torneo Vila de Carral celebrado o sábado 9 de xullo no pavillón de tiro da area deportiva de devandito municipio e organizado polo club de tiro local e o Concello.
O torneo congregaba a tiradores de toda Galicia e Asturias, pero a actual campioa nacional cadete que esta tempada se estrea na categoría xuvenil, non daba opción aos seus rivais e desde os primeiros compases da competición marcaba as diferenzas para poder vencer cunha tirada en precisión de 354 puntos, 8 máis que a tiradora do Club do Castro Ferrolano e 12 que a tiradora do club Trasona de Avilés. As secuencias de disparo da mariñá foron 86, 88, 89, 91 que lle deron a vitoria final na modalidade de precisión.
Pola tarde, na competición de pistola de velocidade, Yolanda Rodríguez comezaba a separarse das súas rivais na quinta tanda de disparos das 8 que se compoñía a competición que se efectuaba sobre 40 disparos. Nesta complicada modalidade de tito de velocidade, na que se dispón de tan só 10 segundos antes de que o branco automático vire debendo meter nese curto espazo de tempo 5 tiros no albo, pechaba a competicion cunha puntuación de 341 puntos que lle daba tamén a vitoria.
As vindeiras citas da deportista serán o Torneo Apóstol na Cidade de Santiago e a Copa Princesa de Asturias para a que se atopa clasificada.
Estivo organizado por Chen Style Tai Chi Center, de Gijón, coa colaboración do Concello. O gran mestre Liming Yue é embaixador mundial da promoción do Tai Chi pola organización de Chenjiagou e as autoridades do goberno local en China en 2009, debido á súa grande contribución e logros no Tai Chi do estilo Chen. Ata o pavillón da Rúa Alfredo Deaño se achegou o alcalde, Dani Vega, que saudou aos asistentes, á organización e ao gran mestre Liming Yue.
A alcaldesa, Dolores García Caramés, estivo con eles/as durante a clausura da actividade.
A Deputada de Economía, Recadación, Facenda e Especial de Contas, Carmela López, participou este sábado na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
Xunto aos residentes estiveron o alcalde, Dani Vega, e a concelleira de Servizos Sociais, Elena Sierra, que quixeron compartir con eles esta data tan especial e pasar unha mañá moi agradable de conversa e de festa.
A cita está organizada pola Consellería de Emprego, Comercio e Emigración en colaboración con CECAP. A xornada dará comezo ás 10 da mañá nas instalacións da academia, en Burela. Haberá unha exposición por parte da Consellería sobre as novas convocatorias do programa AFD, unha mesa redonda con participación de empresas e entidades de formación; e un espazo de café-networking para intercambio de impresións e xeración de contactos.
Serán o 16 e o 19 de xuño no Pavillón da Veiga para rapaces e rapazas de 9 a 17 anos. Haberá dúas quendas: ás 18:00 h ou ás 20:00 h. Máis info no teléfono: 637774484.
O Concello de Xove, coa colaboración do IES Illa de Sarón, organizou esta proxección sobre a mobilización contra o proxecto de construción dunha central nuclear no municipio nos anos setenta. Tivo lugar este luns 10 de xaneiro no Salón de Actos. Ademais do alumnado e profesorado do IES de Xove, tamén asistiu público interesado neste episodio.
