O delegado territorial de Lugo, Javier Arias, explica que a Dirección Xeral de Administración Local resolveu algunhas das principais liñas que convoca anualmente
Lugo, 12 de xuño de 2025. A Consellería de Presidencia, Xustiza e Deportes destina 1.162.000 euros a mellorar infraestruturas e servizos na Mariña a través de tres ordes de axudas a concellos convocadas este ano pola Dirección Xeral de Administración Local. En total apóianse 24 proxectos de 15 concellos e da Mancomunidade de municipios da comarca.
O delegado territorial da Xunta, Javier Arias, explica que unha das liñas é a orientada a crear ou adecuar infraestruturas municipais de carácter estratéxico, que se resolveu recentemente.
Os beneficiarios son Ourol – para unha actuación de accesibilidade no centro social -; Mondoñedo – melloras na alameda dos Remedios -; Barreiros – rehabilitación dun local para centro social en Vilamartín Pequeno -; Ribadeo – dotacións da escola de música – e O Valadouro – melloras en instalacións municipais -.
Tamén se concedeu unha axuda conxunta a Barreiros e Trabada para acondicionar unha vía que conecta os núcleos do Rego e Vilamartín Pequeno. Con respecto a esta última, Arias valorou a colaboración entre as administracións locais e a autonómica para acometer unha actuación relevante para a veciñanza, e lamentou que “os representantes municipais non tiveran en conta esta cooperación” cando nos últimos días deron a coñecer o proxecto, “que anunciaron sen facer mención en ningún momento a que a Xunta aporta parte do financiamento”.
“Semella que algún alcalde quere obviar a participación do Goberno galego en calquera iniciativa que beneficie ao seu municipio”, engadiu Arias, en referencia a outra axuda de 32.000 euros ao Concello de Trabada para mellorar o alumeado de varios núcleos, “e que fixeron pública hoxe mesmo eludindo novamente que foi concedida pola Xunta con cargo ao FCA”.
Fondo de Compensación Ambiental
Tamén están aprobadas as achegas correspondentes ao Fondo de Compensación Ambiental do 2025, que suman arredor de 994.000 euros entre as liñas competitiva e non competitiva.
Os concellos beneficiarios son Alfoz, A Pontenova, Cervo, Foz, Lourenzá, Mondoñedo, Ourol, O Valadouro, O Vicedo, Trabada, Viveiro e Xove. Ademais, a Mancomunidade de Concellos da Mariña conta co apoio deste programa para reforzar equipamentos de recollida de residuos domésticos.
Arias explicou que estas son tres das principais convocatorias anuais coas que a Dirección Xeral de Administración local apoia investimentos municipais, xunto con outras que se resolverán ao longo do exercicio. Entre elas están o Fondo de Cooperación Local e as axudas de eficiencia enerxética.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
