Cervo, 3 de agosto de 2016. As dúas pistas de pádel recentemente construídas nas instalacións deportivas da Veiga, en San Ciprián, entrarán en servizo este xoves.
O alcalde de Cervo, Alfonso Villares, explicou que “desde o Concello de Cervo acometéronse as obras e xa están rematadas as dúas pistas de pádel que construímos nas instalacións deportivas de A Veiga, en San Ciprián. Tivemos unha axuda da Deputación Provincial de 92.000 euros e 68.000 euros foron aportados polo Concello. É unha obra na que tamén houbo que facer o acondicionamento do chan onde se instalaron estas pistas porque era unha zona bastante anegada”.
Alfonso Villares engadiu que “é un diñeiro que nós consideramos moi ben investido porque estamos a dispoñer para todos os veciños do noso concello doutra oferta deportiva máis, neste caso de titularidade municipal. Unhas pistas de pádel, deporte que hoxe en día practícano moitos e ademais persoas de todas as idades. Isto axúdanos a incrementar todas esas instalacións deportivas que temos no concello de Cervo”.
O rexedor municipal salientou que “ademais a súa localización consideramos que é importante, nas instalacións deportivas de A Veiga. Así concentramos todo o deporte nesa zona e, por outra parte, evitamos os problemas de sabotaxes que estábamos a ter coa pista de pádel onde estaba situada ata agora, no polígono industrial de Cuíña, localización que tivo que ser no seu momento nese lugar porque se trataba dunha obra sufragada por Xestur. Esa pista que temos en Cuíña vai desaparecer”.
Villares tamén comentou que “eu quixen que nesta presentación estiveran os compañeiros que levaron a Delegación de Deportes no Concello durante estes anos: tanto Yolanda Pedreira como Rubén Fernández e Luís Guillén, e o actual concelleiro de Deportes, José Ramón Soto. Estivemos aí para ensinarlles a todos os veciños estas pistas de pádel”.
O rexedor cervense rematou explicando que “unha das pistas é cuberta e a outra non. Pero nun futuro podemos cubrila tamén; está feita a obra para que, cando teñamos fondos, poder cubrir esta segunda pista. Imos empezar así con estas dúas pistas, unha cuberta e outra non, nunha obra que está financiada polo Concello e a Deputación Provincial, á que lle agradecemos a súa aportación”.
O concelleiro de Deportes especificou que estas 2 novas pistas de pádel estarán abertas todos os días, de luns a domingo, de 9 a 22:30 horas e hai que solicitar o seu uso previamente na piscina municipal de Lieiro. José Ramón Soto tamén explicou que se manteñen os prezos que había na pista de Cuíña ata que se redacte unha nova ordenanza municipal para a utilización destas novas instalacións.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
