Ribadeo, 24 de agosto de 2016. Mil duascentas persoas visitaron a exposición Mariñarte, que permaneceu no Forte de San Damián durante a primeira quincena deste mes de agosto. A mostra presentaba obras de varios autores da comarca en distintas disciplinas.
O concelleiro de Cultura, Farruco Graña, subliñou que “en torno a unhas 1.200 persoas visitaron ao longo de catorce días a exposición Mariñarte. Para nós é un pracer comprobar que a sala de exposicións que habilitamos no Forte de San Damián no verán ten moi boa acollida por parte da xente, porque a verdade é que é moi acaída a visita. Como sempre me gusta dicir damos un paseo e contemplamos fotografías, pintura, moda, deseño… o que puidemos ver nesta ocasión en Mariñarte foron obras de Lucía Catuxo, Mirian Viveiro, José Bruzos, Carla Méndez, Rosana Míguez, Virginia Quintana, Ánxela López, Héctor Manasé, Laura Alonso e Yasmina Pena”.
Farruco Graña salientou que “foi unha exposición moi visitada por unha media dunhas 80 persoas ao día, o cal dá mostras de que hai interese pola arte e pola xente nova que empeza a dar a luz ás súas primeiras obras na comarca de A Mariña e tamén na nosa veciña comarca naviega”.
O edil nacionalista engadiu que “tamén hai que lembrar que houbo unha sala xuvenil con traballos de alumnos e alumnas do IES de Ribadeo Dionisio Gamallo e tamén unha sala infantil con traballos dirixidos por MauMarela. Tivemos oportunidade ademais de asistir a un obradoiro de bonecos triádicos da man de MauMarela. Era precioso ver cómo ía deseñando a máquina bonecos en tres dimensións”.
Farruco Graña comentou que “ademais visitounos Tomás López da olaría de Gundivós e deixounos como agasallo unha peza. Puidemos contemplar durante toda unha mañá como Tomás López ía deseñando unha xarra e cun barro tamén moi peculiar porque ten uns tons escuros”.
O concelleiro de Cultura anunciou que “está a piques de inaugurarse unha exposición de fotografía de Pepe Álvez que organiza a Asociación da Prensa de Lugo. Vai estar aberta ata o 2 de setembro na Sala de Turismo. Será unha exposición peculiar, de feito o seu título é Mobilandia 2. Vainos chamar a todos a atención porque é unha exposición que poderíamos ter feito nós mesmos co noso móbil e así foi como fixo o seu autor”.
Farruco Graña concluíu dicindo que “por último temos que anunciar que o concerto Música de Cine da Banda de Música Municipal de Ribadeo vai ser este venres. Pero temos que pedir desculpas por unha pequena descoordinación que houbo posto que inicialmente nós tíñamos previsto que o concerto fora para as 20:30 horas, pero será ás 22:00 horas. Estamos pendentes do tempo, se está bo será no Parque de San Francisco, pero se houbera mal tempo será no Cine Teatro”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
