“Teño moitas ganas de empezar, de volver tocar o balón. Oxalá este ano saia mellor do que saíu o pasado, persoalmente claro, porque a nivel colectivo foi incrible; o vestiario estaba moi unido. Aínda que sexa difícil volver conseguir a mesma sensación, entre todas imos intentar facelo o mellor posible”, explicaba a ala-peche de 21 anos Emma Losada Santamarina, que debutou en Primeira División a tempada pasada co Burela FS Pescados Rubén nunha montaña rusa de emocións, celebrando a súa estrea goleadora en xaneiro fronte ao Móstoles FSF pero tamén coa amargura dunha lesión de xeonllo que a afastou para o resto da campaña.
Acompañada polo presidente, Manuel Blanco, e o directivo Luis A. Guillén, a 8 laranxa fixo balance das súas experiencias na Mariña durante a renovación: “Foi o ano máis difícil da miña vida, pero tamén no que máis aprendín. Tiven mala sorte coa lesión, pero creo que as cousas sempre pasan por algún motivo; eu vin aquí para aprender e non puiden facelo de mellor forma”.
Para a xogadora de berce mindoniense a súa segunda pretempada burelista será diferente: “Aínda estou nun proceso de recuperación, pero pouco a pouco irei integrándome no adestramento do grupo para ir collendo sensacións co balón”. No entanto, Emma ten depositada a súa ilusión en superar todas as adversidades e seguir medrando da man do Pescados Rubén: “Quero aproveitar este ano ao máximo, grazas ao club e á directiva, que me dan a posibilidade de seguir aquí, e ás compañeiras; espero seguir aprendendo e axudar a todo o equipo tanto dende dentro coma dende fóra da pista”.
“Emma é unha xogadora moi loitadora; precisamente esa virtude e o seu optimismo déronlle o pulo necesario para superar o complicado ano. Esperamos volver contar axiña coa súa frescura sobre a pista” explicaba Manuel Blanco.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
