Mondoñedo 26 de agosto de 2016.- A Concellería de Xuventude do Concello de Mondoñedo organiza a segunda edición da Festa da Xuventude que terá lugar o venres 9 de setembro, a partir das 18 horas e ata entrada a madrugada, na praza do Concello.
O concelleiro de Educación, Mocidade e Novas Tecnoloxías, Alberto García Fernández, presentou hoxe o cartel da festividade, deseñado pola mindoniense Julieta Vargas.
García avanzou que “esta edición contará cos concertos de tres bandas de distintos estilos musicais e a actuacións de varios Djs de música electrónica”. O concelleiro precisou tamén que “coa festa da Xuventude se dan por iniciadas as festas patronais de Nosa Señora dos Remedios, que se prolongarán ata o luns 12 de setembro, festivo local, e animou a todos os mozos e mozas a participar desta festa que o ano pasado contou cunha gran acollida e ampla participación”.
“No programa deste ano primamos a promoción dos artistas da nosa cidade” e engadiu que “os compoñentes dalgúns dos grupos teñen raíces mindonienses, así como varios dos Djs que deleitarán aos público”, salientou.
O concelleiro avanzou tamén que “está previsto que se instale unha carpa de Xuventude para información xuvenil e outra de prevención do VIH para darlles información aos mozos e mozas”.
Un programa con artistas locais
O concelleiro apuntou que os asistentes poderán desfrutar coa actuación do grupo ‘Versoix’. “Esta banda madrileña inicia a súa andaina polo ano 2011. O seu estilo musical é o rock, tanto urbano como hard rock. Saca ao mercado o seu primeiro ‘El dilema del Erizo’ no verán do 2015 e a comezos do 2016 é cando se consolida finalmente e comeza unha xira repleta de concertos”, precisou.
García sinalou que “tamén poderemos vibrar coas cancións de Miquel Barreira, membro da banda ‘Pull My Strings’, que actuará baixo o nome ‘Eira’ e acompañado por dous membros do seu grupo de Cataluña. Este artista ten orixe mindoniense e o seu instrumento principal é a guitarra acústica. O seu primeiro sinxelo foi ‘Mondoñedo’ na honra á súa cidade natal.
E por último, os mozos e mozas desfrutarán coa actuación de Hugo Eiroa, cantante e guitarrista con raíces en Mondoñedo que tras varios anos formando parte de diversas bandas iniciou este ano a súa andaina en solitario versionando pezas clásicas do pop rock.
A xornada tamén estará amenizada polo concerto de Dj Victor Santana & Band, un dos artistas máis importantes da cultura electrónica underground que integra esta banda a base de instrumentos clásicos para darlle forma a un novo modo de entender o Techno. E actuarán tamén cinco Dj’s Locais: Alberto Leivas, Deep López, Vitor P, Popy García, Vitinho e Totix.
Dende o goberno local do Concello de Mondoñedo agradecen a colaboración para a celebración da segunda edición desta festividade do Xacobeo e da emisora Megastar FM, así como o apoio dos bares da praza do Concello.
O concelleiro de Educación, Mocidade e Novas Tecnoloxías amosouse moi satisfeito coa organización desta nova edición e sinalou que “esperamos que teña a mesma acollida multitudinaria que a do pasado ano”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
O Deputado de Promoción Económica e Social, xunto ao Alcalde meirego e o músico berciano, presentaron no Pazo de San Marcos este concerto especial que acollerá a igrexa Monasterial de Santa María, o vindeiro 6 de agosto, ás 21:00 horas.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
