Mondoñedo, 21 de agosto de 2016.- O Goberno local do Concello de Mondoñedo someterá a Pleno a aprobación da relación de postos de traballo (RPT) municipal. Así o avanza a alcaldesa, a popular Elena Candia, dando así cumprimento a un dos seus compromisos electorais.
A rexedora explica ademais que o Goberno local pon en marcha tamén a elaboración dun convenio colectivo que, agarda, conte con maior consenso posible para saír adiante.
Elena Candia agradece a colaboración dos servizos de recursos humanos da Deputación de Lugo, encargados da elaboración do documento da RPT, o que permite un aforro para o Goberno local que non terá que facer desembolso algún pola súa redacción. “Trasladamos o noso agradecemento aos técnicos provinciais polo seu traballo, o que permite que o Concello de Mondoñedo non teña que asumir ningún custo pola súa elaboración”, engade.
O anterior goberno, un irresponsable
Estas medidas tomadas polo Goberno local permiten organizar os recursos humanos do Concello, tal e como explica a alcaldesa. A popular indica ademais que o seu Goberno atopou un cadro de persoal sen organizar no que o anterior goberno nin cumpría a normativa en prevención de riscos nin no referente á vixilancia da saúde “nun exercicio de absoluta irresponsabilidade”.
Un documento froito do consenso
A alcaldesa destaca “o gran apoio” que conseguiu o documento da RPT ao que se chega despois de “varios meses de intenso traballo”. Así, conta co voto favorable de CIG e CCOO, con representación no Concello, e tamén co respaldo de UGT e CSIF, sen representación no Consistorio. Así mesmo, conta co apoio unánime de todos os traballadores e traballadoras municipais: funcionarios e persoal laboral que votaron o documento.
O documento será sometido a Pleno o vindeiro venres. A alcaldesa, Elena Candia, agarda contar co voto favorable dos demais grupos atendendo ao respaldo que o texto xa conseguiu por parte de traballadores e sindicatos.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
