O BNG do Valadouro congratúlase e desexa amosar a súa satisfacción pola aprobación, o pasado 11 de agosto, dunha das súas iniciativas estrela no programa electoral de 2015.
A devandita iniciativa supuxo, ao mesmo tempo, unha das condicións primordiais para chegar a un acordo de goberno no comezo do presente mandato municipal.
Grazas a esta iniciativa do BNG local, os nenos nacidos no Valadouro desde o 1 de xaneiro de 2016, gozarán dunha axuda de 600 euros.
Con esta medida, o BNG pretende frear o despoboamento que afecta ao municipio desde hai décadas e asentar poboación (nomeadamente aqueles cidadáns en idade de ter e criar fillos). Busca do mesmo xeito, contribuír a converter O Valadouro nun concello atractivo no ámbito do interior mariñao, logrando servizos e vantaxes para quen contemple a posibilidade de establecerse e formar un núcleo familiar.
A axuda á natalidade conta cunha serie de condicións e cláusulas para velar polo bo uso e destino da achega económica, entre outros puntos figuran:
-Un dos cónxuxes debe levar, polo menos, 6 meses empadroado no municipio.
-Familias en que o nivel de ingresos non supere a contía do SMI, etc.
-O 60% da axuda entregarase ás familias no primeiro ano, e o 40% restante en meses sucesivos.
O feito de que a iniciativa fose aprobada por unanimidade demostra que todos os grupos consideraron óptima unha medida que xa debería terse adoptado hai anos para evitar que O Valadouro chegase ao nivel de alarma demográfica no que se encontra.
Desde o BNG local, observamos ao mesmo tempo, a boa acollida que está a ter a iniciativa recén aprobada polas felicitacións que recibimos pola rúa, ou pola cantidade de mensaxes que están a chegarnos a través do correo electrónico e o Facebook da Asemblea Local, nomeadamente por parte da xente nova e mesmo de avós que se vían obrigados a axudar na crianza dos netos debido ao baixo nivel de ingresos dos seus fillos ou mesmo por situacións de desemprego.
Desde o BNG agardamos que o resto de grupos da corporación continúen a apoiar iniciativas tan necesarias, para deste xeito, poder ir materializando todas aquelas medidas que figuraban no programa electoral co que nos presentamos ante a veciñanza o pasado ano.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
