O presidente do Goberno galego, Alberto Núñez Feijóo, anunciou que o Consello da Xunta deu o visto e prace ao regulamento que desenvolve a Lei do solo, tan só seis meses despois da súa entrada en vigor, converténdonos na comunidade cunha ordenación máis completa e actualizada.
O obxectivo deste regulamento é facilitar a súa aplicación e consulta polos técnicos, arquitectos, arquitectos técnicos e demais persoal. Ademais, clarifica a interpretación da lei, achega seguridade xurídica e intenta ser comprensible para o cidadán medio, fixando conceptos urbanísticos homoxéneos; incorporando fichas técnicas que aclaren, por exemplo, o listado de informes necesarios para aprobar o planeamento, e engadindo cadros resumo, esquemas e gráficos.
Segundo lembrou o xefe do Executivo galego, estase a cumprir con creces o prazo que contempla a Lei, na súa disposición final quinta, para aprobar o regulamento: daba un prazo dun ano e aprobouse en medio.
O regulamento mantén o espírito de país e a vocación de permanencia da lei
Feijóo asegurou que este regulamento mantén o espírito transversal, de país e a vocación de permanencia da lei. Para acadalo, ademais de aceptar na primeira fase seis de cada dez alegacións presentadas por 32 axentes vinculados ao eido do urbanismo, tanto asociacións como institucións e particulares, na última fase tamén se atende a totalidade das 58 observacións de legalidade feitas polo Consello Consultivo, así como a meirande parte das mellores propostas.
Como sinalou o presidente da Xunta, trátase da primeira Lei do solo da historia de Galicia con regulamento propio. Deste xeito, engloba nun só documento, elaborado integramente en Galicia, os tres regulamentos que se aplicaban na anterior Lei: os regulamentos de xestión e planeamento eran de eido estatal e levaban 38 anos en vigor, e o regulamento de disciplina, que era galego, do ano 1999.
Segundo asegurou, a Xunta sigue dando pasos para que Galicia teña unha ordenación clara, eficaz e de consenso. Neste senso, lembrou que a Lei do Solo é unha das máis importantes da lexislatura, con vocación de permanencia e que estende as vantaxes do planeamento a todos os concellos e revitaliza o rural. Do mesmo xeito, promove a participación activa da cidadanía a través do Rexistro de Planeamento e da Plataforma Urbanística de Galicia; pon menos trabas sen reducir o control; axiliza e simplifica o proceso administrativo, reducindo en máis da metade o prazo medio de tramitación dun Plan Xeral; impulsa a rehabilitación para poñer o patrimonio a punto e frea o abandono do rural; e defende a paisaxe galega.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
