Vista Alegre inaugura a competición ligueira cun derbi irmandiño entre o Burela Pescados Rubén e o Cidade das Burgas que se disputa o sábado día 10, a partir das 18:30 horas. Ambos conxuntos inician unha tempada con cambios significativos nas súas filas. A escuadra laranxa, comandada por Iván Cao, inicia un novo ciclo cunha mestura de mocidade e experiencia mentres que as ourensáns manteñen a súa filosofía de canteira aínda que esta tempada perderon potencial coa marcha de Vane Sotelo e Lucía Nespereira, referentes en tempadas anteriores do conxunto dirixido por Manolo Codeso.
Malia os cambios, o derbi galego preséntase cos condicionantes habituais deste tipo de choques; máxima intensidade, emoción, nervios,…O técnico burelés considera que os tres puntos do derbi “teñen que quedarse en Vista Alegre, creemos na vitoria. O Cidade é un equipo cun espírito competitivo que sempre che esixe concentración, malia as baixas de Vane Sotelo e Lucía Nespereira estou seguro que manteñen esa filosofía. Un triunfo nesta primeira xornada xeraríanos maior confianza para afrontar os próximos duelos con máis seguridade”. Na mesma dirección manifestouse Dany, a brasileira de Burela Pescados Rubén é un referente para o seu equipo e declarou estar convencida de que “imos ver a un Burela Pescados Rubén competitivo, iniciamos unha nova etapa cunha boa mestura de veteranía e mocidade. Traballamos moi ben durante a semana para preparar este inicio de Liga e empezamos a competición ante a nosa afección que sempre é un plus para nós. Este equipo sempre vai defender ao Burela Pescados Rubén con orgullo e a nosa afección pode estar convencida que nos baleiraremos na pista en cada xornada”.
Convocatoria Burela Pescados Rubén: 1. Jozi 3. Dany 6. Silvia 10. Lara 11. Helena 13. Nerea 14. Bea Mateos 15. Judith 16. Cilene 18. Shiori 19. Paula 26. Elvira
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
