A Coruña, 4 de outubro de 2016. – A Real Academia Galega celebrará este sábado, 8 de outubro, unha nova mesa de debate do ciclo No tempo das Irmandades: fala, escrita e prelos, na que a figura de Antón Villar Ponte, fundador das Irmandades e natural desta localidade luguesa, será un dos protagonistas. O programa estará dedicado tamén a outros dous irmáns, Xohán Vicente Viqueira e Florencio Vaamonde Lores. O encontro, que terá lugar no teatro Pastor Díaz a partir das 12 horas, contará coas achegas de Emilio Xosé Ínsua, Antón Costa, Isabel Seoane e Carlos Nuevo Cal. A entrada é libre.
Carlos Nuevo Cal será o encargado de moderar a mesa, titulada Protagonistas (I): Antón Villar Ponte, Xohán Vicente Viqueira e Florencio Vaamonde Lores. O historiador viveirense é coautor da obra O primeiro Antón Villar Ponte (2003), que publicou en colaboración co tamén viveirense Emilio Xosé Ínsua.
Ínsua é tamén autor de Antón Villar Ponte e a Academia Galega (Do Cumio, 2006) e A nosa Terra é nosa! A xeira das Irmandades da Fala (1916-1931) (Baía, 2016), entre outras obras ensaísticas. O investigador repasará na súa intervención, Antón Villar Ponte (1881-1936): un guieiro xeneroso e esforzado, a traxectoria global deste persoeiro, pai das Irmandades, percorrendo as achegas máis destacadas que fixo na política, na literatura, na dramática, na acción cultural e na defensa do idioma galego.
Antón Costa Rico, catedrático de Historia da Educación da Universidade de Santiago de Compostela, participará co relatorio Xohán Vicente Viqueira e o ensino galego. Viqueira (1886-1924), é coñecido sobre todo pola súa resonancia literaria e poética, ou mesmo polas súas contribucións no ámbito dos procesos de normativización da lingua galega. Pero foi tamén profesor, investigador, autor e tradutor de textos nos campos da psicoloxía, a filosofía e a pedagoxía, perfil no que se deterá Costa.
A profesora Isabel Seoane Sánchez, autora dunha tese doutoral sobre a obra de Florencio Vaamonde Lores (1860-1925) e editora da obra poética deste autor – Os calaicos. Mágoas. Follas ao vento (Xerais, 2003)-, profundará nestoutra figura vinculada ás Irmandades da Fala desde os seus inicios.
O ciclo No tempo das Irmandades: fala, escrita é prelos é unha das iniciativas coas que a RAG conmemora o centenario da fundación das Irmandades da Fala, movemento que marcou un antes e un despois no proceso de dignificación da lingua galega. O programa conta coa colaboración de distintas institucións, entre elas o Concello de Viveiro, que organiza da man da Academia a xornada do vindeiro sábado.
A Academia é ademais coorganizadora da exposición Saúde e Terra, irmá(n)s!, que está a levar o legado das Irmandades polas principais localidades de Galicia. Tras exhibirse en Ourense durante o mes de outubro, do 4 ao 27 de novembro poderá verse no Museo Provincial de Lugo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
