Cervo, 4 de outubro de 2016.-Alfonso Villares presidiu este martes en Madrid unha xuntanza da comisión de medio ambiente da Federación Española de Municipios y Provincias (FEMP) na que se acordou celebrar unha xornada sobre entidades locais e economía circular que terá lugar en Sevilla no vindeiro mes de xaneiro.
O alcalde cervense anunciou que “nesta reunión abordáronse distintos asuntos e un deles a destacar foi a proposta feita polo alcalde de Sevilla para que a súa cidade sexa sede dunha xornada sobre entidades locais e economía circular que imos realizar na FEMP. Eu creo que o importante é que estes temas non queden unicamente no coñecemento das persoas que nos dedicamos á xestión pública senón que hai que trasladarllo á cidadanía; e así o estamos facendo”.
O rexedor municipal explicou que “desde a Comisión Europea están preparando un importante paquete de medidas lexislativas para este período que vai desde o ano 2016 ao 2019 que van ter unha grande importancia para as entidades locais españolas nos próximos anos. Sobre todo porque esta normativa vai afectar dun xeito moi substancial a unha das actividades básicas que realizamos os concellos españois como é a recollida de residuos domésticos, o tratamento deles e a súa posta en valor”.
Alfonso Villares considera que “son medidas moi ambiciosas porque se pretende cambiar o paradigma do que é a recollida de lixo e converter que os residuos sexan uns recursos materiais. Dentro do estudo en cifras que fai Europa para o ano 2030 hai un obxectivo de depositar unicamente en vertedoiro o 10 por cento dos residuos que xeramos e incluso doutra porcentaxe intentar reciclar o 65 por cento. As administracións locais, que agora mesmo somos coñecedoras delas, temos que facer o posible para transmitirllo á cidadanía e intentar conseguir estes obxectivos”.
O alcalde de Cervo rematou comentando que “nesas xornadas que se van celebrar en Sevilla no vindeiro mes de xaneiro é onde imos establecer esa folla de ruta que imos ter que adoptar todos os goberno locais españois nos próximos anos, unha folla de ruta onde o máis importante de todo é que todos os cidadáns nos concienciemos en preservar o medio ambiente e que para iso todos temos que participar á hora de que iso sexa posible”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
