Achádego Teatro leva “O barco sen mariñeiro” a Burela este sábado 29 de outubro a partir das 19.30 horas no auditorio municipal.
Será esta unha actuación especial porque a obra conta coa colaboración das redeiras de Burela. Esta obra é un auténtica homenaxe ás xentes do mar e ás localidades que viven de cara a él como é Burela.Trátase da última actuación con esta obra de teatro por agora na provincia de Lugo. O domingo 30 Achádego estará con esta obra no Carballiño.
O barco sen mariñeiro (todos os públicos) Foi estreada polo grupo o pasado 26 de maio do 2015 no Auditorio Municipal Gustavo Freire de Lugo. Esta peza en tres actos, representada por primeira vez no Teatro Liceo de Bos Aires o 24 de agosto de 1945, malia ter case 70 anos, calquera podería crer que foi escrita neste mesmo momento, xa que os feitos que nela se relatan responden totalmente á problemática do mundo actual. O barco sen mariñeiro enfrontará dous mundos: o complicado das finanzas, feito de cálculo e artificio, e o mundo sinxelo dos mariñeiros, onde o home e a muller se realizan no seu traballo directo, en contacto coa natureza, que, inda que ás veces fire, é o único ambiente posible para o ser humano, ó que salva o amor. Autor: Alejandro Casona (tradución e adaptación de Achádego Teatro de La barca sin pescador) Dirección: Antón Sampaio Elenco: 11 actores e actrices.
HISTORIA DO GRUPO DE TEATRO ACHÁDEGO
Achádego nace, no ano 1988, coa montaxe A dobre historia do Doutor Valmy, de Buero Vallejo para conmemorar o día Internacional de Dereitos Humanos. . Realiza montaxes de sala como: Desaqueloutrados de Alonso de Santos, Hecyra de Terencio; Os simulados da caravilla de Manuel María; Dos arquivos do Trasno de Rafael Dieste; Á lus do candil de Anxel Fole; Maxia Vermella de Michel de Ghelderode; Chuvia de anxos sobre París de Alfonso Sastre; Aulularia de Plauto; A Tempestade de Shakespeare; A Mandrágora de Niccolò Macchiavelli; Confusión de María Balteira de Marica Campo; Unha petición de man e O Oso de Chejov: O libro de ler e desler, creación do grupo; Velaí a muller, de varias poetas; O divino sainete de Curros Enriquez, As Alegres Comadres, de Shakespeare e O barco sen mariñeiro, de Alejandro Casona. Montaxes de rúa: Os bandidos do mar, Enguedellos para o sotomundo, Antroido na Muralla, O noso é mellor, Engadindo Pedras, Os Pelúdez entre nós, Urbis, Homenaxe a Lorca, Pinto pinto gorgorinto, O tren dos tres merliños, De Mitra a Mitra e outros. Video e TV. Contos para o programa da TVG: Superamigos, O bo cidadán fai a boa cidade baseado no libro Las buenas maneras de Blanco Amor; O Irlandés Astrólogo de Luís Seoane e diversas colaboracións con Cool Films e outros. Colaboramos co Club C. Fonmiñá en varias citas da Semana de Cine de Autor.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
