Lugo, 25 de outubro 2016. O BNG lamenta que o Partido Popular vote en contra da aprobación do convenio para o arranxo das instalacións do Club Kayak de Foz. En dito convenio contemplábase unha subvención de 100.000€ a tal efecto, pero a actitude do PP no pleno e da súa portavoz Elena Candia tirou por terra as aspiracións deste club histórico do piragüismo lucense, e as ilusións de centos de rapaces e rapazas e das súas familias.
Este proxecto de adecuación das instalacións do club focense arrancara cando a Delegación de Deportes da Deputación dependía do BNG, continuou co goberno do PP e agora ía concretarse cun goberno do PSOE. Non se entende que despois de ser aprobado por unanimidade de todos os grupos na comisión informativa do pasado xoves, agora o PP se volva atrás, só por un capricho de Elena Candia, que non dá entendido que ela non é a presidenta da deputación.
Lamenta tamén o BNG que dous mariñáns coma Demetrio Salgueiro, alcalde de Xove, e Yanes Ginzo, ex alcalde de Trabada e que ostentou tamén a delegación de deportes na deputación, se pleguen aos caprichos persoais da Sra. Candia e desprezen con esta impresentable actitude a todo o mundo do deporte e especialmente ao mundo do piragüismo. Con esta postura, antepoñendo os caprichos persoais ao interés xeral, o Partido Popular queda perfectamente retratado na comarca da Mariña e en toda a provincia.
O BNG quere trasladar tamén á directiva e a toda a gran familia do Club Kayak o seu apoio para que esta importante obra poida sair adiante e para que este club poida seguir desenvolvendo a importante labor que vén realizando no eido deportivo e social.
Liña de FEVE
Coa mesma actitude ca na aprobación do convenio do Club Kayak, o PP tamén impedíu que saira adiante unha proposta do BNG na que se instaba ao Goberno do Estado “a que proceda á actualización da rede de ferrocarril de FEVE con frecuencias e traxectos adecuados ás necesidades sociais e de mobilidade que permitan convertir este tren nun verdadeiro e moderno medio de comunicación para a comarca de A Mariña, no relacionado co transporte de persoas e mercadorías”.
Esta proposta era unha emenda que o BNG presentou á unha proposta do goberno provincial para o impulso da modernización e mellora dos servizos ferroviarios na provincia de Lugo, sendo aceptada esta emenda de engádega polo propoñente.
E tamén neste punto, dous mariñáns, Yanes Ginzo, e Demetrio Salgueiro, alclade de Xove, concello moi afectado nesta proposta, volven a plegarse aos caprichos persoais de Elena Candia.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
