Representantes das organizacións con representación na Mesa Sectorial CIG-Saúde, UGT, SATSE e CSI-F, concentráronse este xoves diante do Hospital da Costa para denunciar o carácter fraudulento das contratacións sucesivas de persoal para cubrir prazas estruturais no SERGAS e demandar a súa cobertura atendendo á legalidade vixente no pacto de contratación.
Adolfo Corral , de CIG SAÚDE, explicou que no Servizo Galego de Saúde xa existen sentenzas nas que se recoñece o carácter fraudulento da contratación e declaran a condición de persoal interino do/a profesional denunciante.
Xunto a isto lembrou que as organizacións sindicais veñen demandando desde o ano 2010 que todas as prazas estruturais se cubran con persoal interino procedente das listas de contratación e atendendo ao criterio de prelación. “A xente está ordenada nesta lista por ter superado máis dun proceso selectivo sen acadar praza; por acreditar moitos anos de experiencia profesional e pola súa formación, que engade valor ao traballo”.
Segundo Corral a normativa laboral vixente no SERGAS é precisamente a que establece que se sigan estes criterios nos procesos de contratación. Porén, denuncia que o seu incumprimento está a levar a moitas/los profesionais a denunciar a súa situación laboral irregular.
Diante disto, Corral considerou que ten que ser o SERGAS quen orden o cadro de persoal segundo vén recollido no Estatuto Marco e na Lei de Emprego de Galiza e non os xulgados. Por iso reclamaron a inmediata convocatoria da Mesa Sectorial ao entender que a administración non se pode paralizar malia estar o goberno en funcións. “Non estamos falando de lexislar nin pactar nada novo, senón de cumprir a lei e aplicar as normas que xa existen”.
Os sindicatos denunciaron que “ao SERGAS inhibirse das súas responsabilidades está propiciando o enfrontamento das e dos profesionais creando un clima laboral hostil” e aseguraron que “é moi importante garantir a estabilidade das traballadoras e traballadores do sistema sanitario público galego porque isto beneficia a calidade asistencial”.
Neste sentido, Adolfo Corral alertou das dificultades que engade en ámbitos como primaria ou especializada a constante rotación e mobilidade do persoal.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
