Cervo, 20 de outubro de 2016. O Concello de Cervo convoca agora axudas para comprar libros e outro material dos escolares de 3 a 5 anos de idade do colexio de San Cibrao e en xuño de 2017 fará o mesmo para os do centro educativo cervense.
A concelleira de Educación, Dolores García Caramés, explicou esta mañá que “o Concello de Cervo convoca axudas para a compra de libros e material escolar de alumnas e alumnos do 2º ciclo de educación infantil, de 3 a 5 anos de idade, matriculados no centro escolar público de San Ciprián para o curso 2016-2017. Nunha reunión previa á publicación desta subvención convocouse aos país e nais do outro colexio do municipio para explicarlles que esta subvención sae só para o centro Cervo Nº 1 porque neste colexio ao principio do curso escolar pídenlles todo o material e os libros para todo o ano, pero no de Cervo nos cursos de Infantil pídenlles o material ao longo do curso. Por iso, e para que ningún veciño do municipio que teña fillos ou fillas nestes cursos se quede sen subvención, en xuño do ano 2017 sairá convocada unha subvención coma esta para os alumnos e alumnas do colexio de Cervo”.
Dolores García engadiu que “estas subvencións están destinadas ás familias do concello que teñen máis dificultades para afrontar estes gastos. As axudas poden ser de 130 euros ou de 100 euros por alumno ou alumna, dependendo da renda per cápita da familia. Para esta iniciativa o Concello de Cervo destina un total de 5.000 euros e o prazo de presentación de solicitudes no Rexistro Xeral do Concello de Cervo rematará o 15 de novembro”.
A edil de Educación rematou comentando que “esta iniciativa, que o Concello de Cervo ten en marcha dende hai anos, demostra que este goberno municipal segue apostando pola educación, xa que é algo que nos importa moito e por iso a apoiamos deste xeito. Nesta ocasión, como xa se fixo o ano pasado, dende O Concello de Cervo estamos enviando aos domicilios de todas as familias dos nenos e nenas matriculados no ciclo de Infantil no colexio Cervo Nº 1 cartas con toda a información sobre esta convocatoria e a folla que teñen que cubrir para solicitar esta axuda. O mesmo faremos en xuño do 2017 para os alumnos e alumnas do colexio de Cervo”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
