Cervo, 11 de outubro de 2016. O Concello de Cervo ven de rematar as obras da segunda fase do saneamento na parroquia de Castelo cun investimento de 39.515 euros, financiados pola Xunta e o propio Concello.
O alcalde, Alfonso Villares, anunciou hoxe que “desde o Concello de Cervo vimos de rematar uns traballos de saneamento, en concreto na nosa zona rural e neste caso foi na parroquia de Castelo. É a segunda fase do saneamento de Castelo, no que nunha primeira fase xa se levara adiante a construción da depuradora. Esta segunda fase consistiu en achegar as canalizacións aos barrios do Castro, da Igrexa e do Pazo, todos eles no burgo de Castelo”.
O rexedor cervense engadiu que “a lonxitude das canalizacións que se instalaron é de 630 metros e o financiamento que tivemos para esta obra foi de 39.515 euros, dos cales 8.000 euros púxoos o Concello de Cervo con fondos propios e o resto ven dunha subvención a través da Xunta de Galicia, en concreto da Consellería de Presidencia, Administracións Públicas e Xustiza”.
Alfonso Villares subliña que “estes 39.515 euros serviron para seguir achegando o saneamento ás nosas aldeas, unha zona rural na que levamos investido moito diñeiro nestas infraestruturas básicas que nós consideramos fundamentais para que teñan todos os nosos veciños e que non queden soamente nas nosas zonas urbanas, en San Ciprián e Cervo, senón que hai que seguir estendendo ás nosas aldeas”.
O alcalde salienta que “ao marxe de dar servizo aos veciños que viven nos nosos burgos tamén van feitas coa intención de que sirvan para que esta zona rural sexa atractiva para que novos veciños se instalen ou queiran edificar nas nosas aldeas”.
Finalmente Alfonso Villares asegurou que “foron unhas obras nas que nesta segunda fase actuamos nestes burgos de Castelo, pero queda o seguinte traballo, que xa o estamos preparando, para seguir estendendo a rede de saneamento ata que Castelo estea completamente co seu saneamento integral”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
